ଆଜି ଧରାପୃଷ୍ଠରୁ ମେଲାଣି ନେବେ ଜଗତଜନନୀ ମାଆ ଦୁର୍ଗା
ଆଜି ଧରାପୃଷ୍ଠରୁ ମେଲାଣି ନେବେ ଜଗତଜନନୀ ମାଆ ଦୁର୍ଗା
Visarjan 2022:ଆଜି ଧରାପୃଷ୍ଠରୁ ମେଲାଣି ନେବେ ଜଗତଜନନୀ ମାଆ ଦୁର୍ଗା । ଭସାଣି ଉତ୍ସବ ଲାଗି ସମସ୍ତ ପ୍ରସ୍ତୁତି ଶେଷ ହୋଇଛି । କଟକ-ଭୁବନେଶ୍ୱରରେ ମାଆଙ୍କ ବିସର୍ଜନା ପାଇଁ ନଦୀ ପଠାରେ ଅସ୍ଥାୟୀ ପୋଖରୀ ନିର୍ମାଣ କରାଯାଇଛି । କରୋନା କଡକାଣା ପରେ ଦୀର୍ଘ ଦୁଇ ବର୍ଷ ପରେ ଏଥର ବେଶ୍ ଜାକଜକମରେ ଭସାଣ ଶୋଭାଯାତ୍ରା ଅନୁଷ୍ଠିତ ହେଉଛି ।
ସେହିପରି କଟକରେ ଭସାଣ ପାଇଁ ନଦୀ ପଠାରେ ୩ଟି ଅସ୍ଥାୟୀ ପୋଖରୀ ନିର୍ମାଣ କରାଯାଇଛି । ଭିଡ ନିୟନ୍ତ୍ରଣ କରିବା ପାଇଁ ଓ ଶାନ୍ତି ଶୃଙ୍ଖଳା ରକ୍ଷା ଲାଗି ସହରରେ ୫୫ ପ୍ଲାଟୁନ୍ ପୋଲିସ ଫୋର୍ସ ମୁତୟନ କରାଯାଇଛନ୍ତି । ସେହିପରି ସହରର ବିଭିନ୍ନ ସ୍ଥାନରେ ୩୦୦ଟି ସିସିଟିଭି କ୍ୟାମେରା ଲାଗିଛି । କଟକର ଦେବୀ ଗଡ଼ାରେ ୧୭୨ଟି ମେଢ ବିସର୍ଜନ କରାଯିବା ନେଇ ସୂଚନା ରହିଛି ।
ତେବେ ଗତକାଲି ବେଶ୍ ଧୂମଧାମରେ ପାଳିତ ହୋଇଥିଲା ରାବଣପୋଡ଼ି ଉତ୍ସବ । ଚଳିତ ବର୍ଷ ଭୁବନେଶ୍ୱରରେ ୪ଟି ସ୍ଥାନରେ ରାବଣପୋଡ଼ି ପାଇଁ ଅନୁମତି ମିଳିଥିଲା । ରାଜଧାନୀର ବରମୁଣ୍ତା, ଝାରପଡ଼ା, କୋରଡକଣ୍ଟା ଓ ପାହାଳର ପୂଜା ମଣ୍ତପରେ ଆକର୍ଷଣୀୟ ରଙ୍ଗୀନ ଆତସବାଜୀ ସହ ଶେଷ ହୋଇଥିଲା ରାବଣପୋଡ଼ି । ଏହି ଉତ୍ସବ ଦେଖିବା ପାଇଁ ସମସ୍ତ ସ୍ଥାନରେ ପ୍ରବଳ ଭିଡ଼ ଦେଖିବା ପାଇଁ ମିଳିଥିଲା ।
Click it and Unblock the Notifications
Sign in with Google