ଆଜି ପ୍ରଥମ ପର୍ଯ୍ୟାୟ ସମବାୟ ସମିତି ନିର୍ବାଚନ
ଆଜି ପ୍ରଥମ ପର୍ଯ୍ୟାୟର ପ୍ରାଥମିକ ସମବାୟ ସମିତି ନିର୍ବାଚନ । ମୋଟ ୭୩୧ଟି ପ୍ରାଥମିକ ସମବାୟ ସମିତିରେ ଏହି ନିର୍ବାଚନ ହେଉଛି ।
ଭୁବନେଶ୍ୱର: ଆଜି ପ୍ରଥମ ପର୍ଯ୍ୟାୟର ପ୍ରାଥମିକ ସମବାୟ ସମିତି ନିର୍ବାଚନ । ମୋଟ ୭୩୧ଟି ପ୍ରାଥମିକ ସମବାୟ ସମିତିରେ ଏହି ନିର୍ବାଚନ ହେଉଛି । ଭୋଟ ଗ୍ରହଣ ଶେଷ ହେବାପରେ ଗଣତି ହୋଇ ଫଳାଫଳ ଘୋଷଣା ହେବ ।
୩ ହଜାର ୨୫୨ ପ୍ରାଥମିକ ସମବାୟ ସମିତିରୁ ୨ ହଜାର ୫୨୧ଟି ସମିତିରେ ବିନା ପ୍ରତିଦ୍ୱନ୍ଦ୍ୱିତାରେ ସଦସ୍ୟ, ସଦସ୍ୟା ନିର୍ବାଚିତ ହୋଇଛନ୍ତି । ବାକି ୭୩୧ ପ୍ରାଥମିକ ସମବାୟ ସମିତିରେ ଆଜି ନିର୍ବାଚନ ହେଉଛି । ମୋଟ ୪ ଲକ୍ଷ ୫୩ ହଜାର ୬୧୦ ଭୋଟର ମତଦାନ କରୁଛନ୍ତି । ସକାଳ ୭ଟାରୁ ଆରମ୍ଭ ହୋଇଥିବା ମତଦାନ ଅପରାହ୍ନ ୪ଟା ଯାଏ ଚାଲିବ ।
ତେବେ ଭୋଟିଂ ଚାଲିଥିବା ଏହି ୭୩୧ଟିରୁ ୨୪୪ଟି ସମ୍ବେଦନଶୀଳ ବୁଥ ରହିଛି। ଏସବୁ ସମ୍ବେଦନଶୀଳ ବୁଥରେ ପୋଲିସ ସୁରକ୍ଷା ବ୍ୟବସ୍ଥା ସହ ସିସିଟିଭି କ୍ୟାମେରା ମଧ୍ୟ ଲଗାଯାଇଛି । ବାକିଥିବା ପ୍ରାଥମିକ ସମବାୟ ସମିତି ଗୁଡ଼ିକରେ ଆସନ୍ତା ୨୬ତାରିଖରେ ଭୋଟ୍ ଗ୍ରହଣ କରାଯିବ।
ସୂଚନାଯୋଗ୍ୟ, ରାଜ୍ୟର ପ୍ରାୟ ୭ହଜାର ପ୍ରାଥମିକ ସମବାୟ ସମିତିରେ ନିର୍ବାଚନ ହେବ । ୩୦ଲକ୍ଷ ସଦସ୍ୟ ସେମାନଙ୍କର ମତାଧିକାର ସାବ୍ୟସ୍ତ କରିବେ ।
Click it and Unblock the Notifications
Sign in with Google