ଆସନ୍ତା କାଲି କେମିତି ରହିବ ପାଗ,୪୮ ପରେ ଶୀତ ବଢିବାର ସମ୍ଭାବନା

Odisha Weather: ଆଜି ଟ୍ୱିନ୍ ସିଟି ସମେତ ସାରା ରାଜ୍ୟରେ ପାଗ କୋହଲା ରହିଛି । ସେହିପରି କିଛି କିଛି ସ୍ଥାନରେ ବର୍ଷା ହେଉଥିବାର ଦେଖିବାକୁ ମିଳିଛି । ଦକ୍ଷିଣ ପଶ୍ଚିମ ସଂଲଗ୍ନ ପଶ୍ଚିମ କେନ୍ଦ୍ରୀ ବଙ୍ଗୋପସାଗରରେ ସକ୍ରିୟ ରହିଛି, ଯାହା ପ୍ରଭାବରେ ଆସନ୍ତା ୨୪ ଘଣ୍ଟାରେ ଏହା ଲଘୁଚାପର ରୂପ ନେବ ।

ହେଲେ ଏହାର ପ୍ରଭାବ ଓଡ଼ିଶାରେ ସେତେ ପଡିବ ନାହିଁ ହେଲେ ରାଜ୍ୟରେ ପବନ ଗତି ପରିବର୍ତ୍ତନ ଯୋଗୁଁ ବଙ୍ଗୋପସାଗରକୁ ଜଳୀୟବାଷ୍ପ ଆସିବ ଯାହା ପ୍ରଭାବରେ ଆଜି ଓ ଆସନ୍ତାକାଲି ରାଜ୍ୟରେ ପାଗ ମେଘୁଆ ରହିବା ସହ କିଛି ସ୍ଥାନରେ ବର୍ଷା ହେବାର ସମ୍ଭାବନା ରହିଛି ।

ଆଜି ପାଇଁ ଦକ୍ଷିଣ ଓଡ଼ିଶାର ଜିଲ୍ଲା ଗୁଡିକରେ ହାଲୁକାରୁ ମଧ୍ୟମ ଧରଣ ବର୍ଷା ହେବାର ସମ୍ଭାବନା ରହିଛି । ସେହିପରି ଆସନ୍ତା କାଲି ମଧ୍ୟ ରାଜ୍ୟରେ ମେଘୁଆ ପାଗ ରହିବ । ସେହିପରି ୪୮ ଘଣ୍ଟା ଯାଏଁ ରାତିର ତାପମାତ୍ରାରେ କିଛି ଖାସ୍ ପରିବର୍ତ୍ତନ ହେବ ନାହିଁ ହେଲେ ୪୮ ଘଣ୍ଟା ପରେ ପୁଣି ଶୀତର ପ୍ରକୋପ ବଢିବ ।ରାତି ତାପମାତ୍ରା ୨ ରୁ ୩ ଡିଗ୍ରା ହ୍ରାସ ପାଇବା ନେଇ ପାଣିପାଗ ବିଭାଗ ପକ୍ଷରୁ ପୂର୍ବାନୁମାନ କରାଯାଇଛି ।

English summary

Tmorrow Odisha Weather:After 48, cold is likely to increase.