IOCL ଅଣ୍ଡରଗ୍ରାଉଣ୍ଡ ପାଇପଲାଇନ୍‌ରୁ ତେଲ ଲିକ୍, ମାଟିରେ ମିଶିଲା ହଜାର ହଜାର ଲିଟର ଅଶୋଧିତ ତୈଳ

ପାରାଦୀପ : ଆଇଓସିଏଲ୍ ଅଣ୍ଡରଗ୍ରାଉଣ୍ଡ ପାଇପଲାଇନରୁ ତେଲ ଲିକ୍ ହୋଇ ମାଟିରେ ମିଶିଛି । ଅଠରବାଙ୍କୀରୁ ନେହେରୁ ବଙ୍ଗଳା ରାସ୍ତାକଡ ପାଇପଲାଇନରୁ ତେଲ ଲିକ୍ ହୋଇ ହଜାର ହଜାର ଲିଟର ଅଶୋଧିତ ତୈଳ ନଷ୍ଟ ହୋଇଯାଇଛି । ହଜାର ହଜାର ଲିଟର ଅଶୋଧିତ ତୈଳ ମାଟିରେ ମିଶିଥିବାର ଦେଖିବାକୁ ମିଳିଛି। ନିକଟରେ ଥିବା ହେନ୍ତାଳବଣ ଏବଂ କାଉଡିଆ ନଦୀ ଜଳ ପ୍ରଭାବିତ ହୋଇଛି।

ତେବେ ପାଇପ କଣା କରି ତେଲ ଚୋରି କରାଯାଉଥିବା ସନ୍ଦେହ ଘନିଭୂତ ହୋଇଛି। ନିକଟରେ ପଡିଛି ତେଲ ଜାରକିନ। ତରବରିଆ ଭାବେ ହୋଇଛି ମରାମତି। ବିଭାଗୀୟ ଅଧିକାରୀ କିନ୍ତୁ ଘଟଣାକୁ ଅସ୍ବୀକାର କରିଥିବା ଜଣାପଡ଼ିଛି ।