ପୁଣି ହାତୀ ମୃତ, ଅସୁସ୍ଥତା କାରଣରୁ ବୁଜିଲା ଆଖି
ଆଖି ବୁଜିଲା ଅସୁସ୍ଥ ଦନ୍ତା । ଶୁକ୍ରବାର ରାତିରୁ ସୁନ୍ଦରଗଡ ବନଖଣ୍ଡ ଉଜ୍ଜଳପୁର ଫରେଷ୍ଟ ରେଞ୍ଜ ଅନ୍ତର୍ଗତ ବି.କରୁଆବାହାଲ ଗାଁ ନିକଟରେ ବୁଲୁଥିଲା ବଣୁଆ ଦନ୍ତା । ଦେଖିଲେ ସ୍ପଷ୍ଟ ଜଣାପଡୁଥିଲା ହାତୀଟି ସାମାନ୍ୟ ଅସୁସ୍ଥ ଅଛି । ଗାଁ ନିକଟରେ ଅସୁସ୍ଥ ହାତୀକୁ ଦେଖି ଭୟଭୀତ ହୋଇଯାଇଥିଲେ ସ୍ଥାନୀୟ ଲୋକେ ।
ଅସୁସ୍ଥ ଦନ୍ତା ସଂପର୍କରେ ବନବିଭାଗକୁ ଖବର ଦେଇଥିଲେ ଗାଁ ଲୋକ । ଅସୁସ୍ଥ ହାତୀ ଉପରେ ନଜର ରଖିଥିଲେ ବନ ବିଭାଗ । ହାତୀଟି ଛତିଶଗଡରୁ ଆସିଛି । ନିଜ ନିଜ ଭିତରେ ସଂଘର୍ଷରୁ ହାତୀଟି ଆହତ ହୋଇଥିବା ସୂଚନା ଦେଇଥିଲେ ଡିଏଫ୍ଓ । ଗତ ରାତିରୁ ବନ କର୍ମଚାରୀ ହାତୀର ଗତିବିଧି ଉପରେ ନଜର ରଖିଥିବାବେଳେ ଶନିବାର ସକାଳୁ ଅସୁସ୍ଥ ହାତୀଟି ଆଖି ବୁଜି ଦେଇଛି । ହାତୀର ମୃତଦେହ ଉଦ୍ଧାର ପରେ ପୋଷ୍ଟମର୍ଟମ ପାଇଁ ପଠାଇଛି ବନବିଭାଗ ।ପୋଷ୍ଟମର୍ଟମ ରିପୋର୍ଟ ଆସିବା ପରେ ସବୁ କିଛି ସ୍ପଷ୍ଟ ହେବ ।
Click it and Unblock the Notifications
Sign in with Google