ରଥଯାତ୍ରା ପାଇଁ ନୟାଗଡ଼ରୁ ପୁରୀ ଅଭିମୁଖେ ଗଲା ରଥକାଠ

ପ୍ରସିଦ୍ଧ ପୁରୀ ରଥଯାତ୍ରା ପାଇଁ ନୟାଗଡ଼ ଜିଲା ଦଶପଲ୍ଲା ଅଞ୍ଚଳରୁ ମଙ୍ଗଳାର ୩ଟି ଟ୍ରକ୍‌ରେ ଅସନ ୪୦, ଧଉରା ୪୩ ଓ ମତରେ ୮୩ ଖଣ୍ଡ ରଥ କାଠ ପୁରୀ ଅଭୀମୁଖେ ଯାତ୍ରା କରିଛି । ଏ ନେଇ ଦଶପଲ୍ଲା ମହାବୀର ମନ୍ଦିର ପ୍ରାଙ୍ଗଣରେ ସକାଳେ ବିଭାଗୀୟ ଅଧିକାରୀଙ୍କ ସମେତ ସ୍ଥାନୀୟ ବହୁ ଜନସାଧାରଣ ଉପସ୍ଥିତିରେ ପୂଜାର୍ଚ୍ଚନା କରାଯାଇଥିଲା।

ଅନ୍ୟପକ୍ଷେ ଟ୍ରକର ଯାଇଥିବା ରଥକାଠ ନୟାଗଡ଼ ଜଗନ୍ନାଥଙ୍କ ମନ୍ଦିର ପ୍ରାଙ୍ଗଣରେ ପହଞ୍ଚିବା ପରେ ସେଠାରେ ମଧ୍ୟ ପୂଜା କରାଯାଇଛି। ଏଠାରେ ନୟାଗଡ଼ ବନଖଣ୍ଡ ଅଧିକାରୀ ଦେବର୍ଚ୍ଚନ ବେହେରା ପୂଜାରେ କର୍ତ୍ତାହୋଇ ବସିଥିବାବେଳେ ମହାନଦୀ ବନ୍ୟ ପ୍ରାଣୀ ଡିଏଫଓ, ଏସିଏଫ୍‌ ହିମାଂଶୁ ମୁଦୁଲି ସମେତ ବନ କର୍ମଚାରୀ ଉପସ୍ଥିତ ଥିଲେ। ପରେପରେ ରଥକାଠ ଟ୍ରକ୍‌ ପୁରୀ ଅଭୀମୁଖେ ଯାତ୍ରା କରିଛି ।

English summary

The chariot train left Nayagarh for Puri for the Rath Yatra.