ପ୍ରଥମ ଥର ପାଇଁ ୨ଟି ପଟାଶ ବ୍ଲକ ସମେତ ୧୦ଟି ଗୁରୁତ୍ୱପୂର୍ଣ୍ଣ ଖଣିଜ ବ୍ଲକ ନିଲାମ ନିଲାମ ତାଲିକାରେ ଓଡିଶାର ଗ୍ରାଫାଇଟ୍ ଖଣି
୨୮ ଜାନୁଆରୀ, ୨୦୨୫ ରେ ଆରମ୍ଭ ହୋଇଥିବା ଗୁରୁତ୍ୱପୂର୍ଣ୍ଣ ଏବଂ ରଣନୈତିକ ଖଣିଜ ବ୍ଲକର ପଞ୍ଚମ ପର୍ଯ୍ୟାୟ ନିଲାମରେ ରଖାଯାଇଥିବା ୧୫ ଟି ବ୍ଲକ୍ ମଧ୍ୟରୁ ୧୦ ଟି ନିଲାମ ସଫଳତାର ସହିତ ସମାପ୍ତ ହୋଇଛି। ଏହି ୧୦ଟି ବ୍ଲକରେ ଓଡିଶାର ଗ୍ରାଫାଇଟ୍ ଖଣି ସମେତ ଫସଫୋରାଇଟ୍, ଫସଫେଟ୍, ବିରଳ ମୃତ୍ତିକା ଉପାଦାନ (ଆର୍.ଇ.ଇ.), ଭାନେଡିଆମ୍ ଭଳି ଗୁରୁତ୍ୱପୂର୍ଣ୍ଣ ଖଣିଜ ପଦାର୍ଥ ରହିଛି ଏବଂ ପ୍ରଥମ ଥର ପାଇଁ ପଟାଶ ଏବଂ ହାଲାଇଟ୍ ଛତିଶଗଡ଼, କର୍ଣ୍ଣାଟକ, ମଧ୍ୟପ୍ରଦେଶ, ଓଡ଼ିଶା, ରାଜସ୍ଥାନ ଏବଂ ଉତ୍ତର ପ୍ରଦେଶରେ ବ୍ୟାପିଛି। ଏହା ସହିତ କେନ୍ଦ୍ର ସରକାରଙ୍କ ଦ୍ୱାରା ନିଲାମ ହୋଇଥିବା ମୋଟ ଖଣି ସଂଖ୍ୟା ୩୪ରେ ପହଞ୍ଚିଛି।
ପଞ୍ଚମ ପର୍ଯ୍ୟାୟ ଅଧୀନରେ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ ହେଉଛି ଭାରତ ସରକାରଙ୍କ ଦ୍ୱାରା ପଟାଶ୍ ବ୍ଲକର ପ୍ରଥମ ସଫଳ ନିଲାମୀ, ଯାହା ଘରୋଇ ପଟାଶ୍ ସମ୍ବଳକୁ ଉନ୍ମୁକ୍ତ କରିବା ଦିଗରେ ଏକ ପ୍ରମୁଖ ପଦକ୍ଷେପ। ଏହି ପଦକ୍ଷେପ ଦେଶରେ ପଟାଶ ଖନନକୁ ତ୍ୱରାନ୍ୱିତ କରିବ, ଆମଦାନୀ ଉପରେ ନିର୍ଭରଶୀଳତା ହ୍ରାସ କରିବ ଏବଂ କୃଷି କ୍ଷେତ୍ରର ସମର୍ଥନକୁ ମଜବୁତ କରିବ ବୋଲି ଆଶା କରାଯାଉଛି। ଏହି ମାଇଲଖୁଣ୍ଟ ରାଜସ୍ଥାନ ରାଜ୍ୟରେ ଏକ ଗୁରୁତ୍ୱପୂର୍ଣ୍ଣ ଏବଂ ରଣନୈତିକ ଖଣିଜ ବ୍ଲକର ପ୍ରଥମ ସଫଳ ନିଲାମୀକୁ ମଧ୍ୟ ଚିହ୍ନିତ କରେ ।
ନିଲାମ ପାଇଁ ରଖାଯାଇଥିବା ୫୫ଟି ଗୁରୁତ୍ୱପୂର୍ଣ୍ଣ ଖଣିଜ ବ୍ଲକ ମଧ୍ୟରୁ ଏପର୍ଯ୍ୟନ୍ତ ମୋଟ ୩୪ଟି ବ୍ଲକକୁ ୫ଟି ପର୍ଯ୍ୟାୟରେ ସଫଳତାର ସହ ନିଲାମ କରାଯାଇଛି। ଦେଶରେ ଗୁରୁତ୍ୱପୂର୍ଣ୍ଣ ଖଣିଜ ପଦାର୍ଥରେ ଆତ୍ମନିର୍ଭରଶୀଳତା ସୃଷ୍ଟି କରିବା ଦିଗରେ ଖଣି ମନ୍ତ୍ରଣାଳୟ ଦ୍ୱାରା ଗ୍ରହଣ କରାଯାଇଥିବା ରଣନୀତିର ଏକ ଗୁରୁତ୍ୱପୂର୍ଣ୍ଣ ଅଂଶ ହେଉଛି ପ୍ରମୁଖ ଖଣିଗୁଡିକର ନିୟମିତ ନିଲାମ।
ଖଣି ମନ୍ତ୍ରଣାଳୟ ଦେଶରେ ଗୁରୁତ୍ୱପୂର୍ଣ୍ଣ ଖଣିଜ ଅନୁସନ୍ଧାନ ଉପରେ ମଧ୍ୟ ଧ୍ୟାନ ଦେଉଛି ଏବଂ ଦେଶରେ ଗୁରୁତ୍ୱପୂର୍ଣ୍ଣ ଖଣିଜ ବ୍ୟବସ୍ଥାର ବିକାଶ ପାଇଁ ଜାତୀୟ ଗୁରୁତ୍ୱପୂର୍ଣ୍ଣ ଖଣିଜ ମିଶନ ଆରମ୍ଭ କରିଛି। ଗୁରୁତ୍ୱପୂର୍ଣ୍ଣ ଖଣିଜ ପଦାର୍ଥରେ ଆତ୍ମନିର୍ଭରଶୀଳତା ସୃଷ୍ଟି କରିବା ଦିଗରେ ନିଲାମ ତଥା ଅନ୍ୟାନ୍ୟ ପଦକ୍ଷେପରେ ଶିଳ୍ପ ଅଂଶୀଦାରଙ୍କ ମୂଲ୍ୟବାନ ଅଂଶଗ୍ରହଣକୁ ମନ୍ତ୍ରଣାଳୟ ସ୍ୱୀକାର କରିଛି।
Click it and Unblock the Notifications
Sign in with Google