ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ ଚିଠି ଲେଖିଲେ ତାମିଲନାଡୁ ମୁଖ୍ୟମନ୍ତ୍ରୀ, ଜାଣନ୍ତୁ କାହିଁକି ?

Updated: Saturday, March 8, 2025, 14:56 [IST]

ତାମିଲନାଡୁ ମୁଖ୍ୟମନ୍ତ୍ରୀ ଏମକେ ଷ୍ଟାଲିନ ଶୁକ୍ରବାର ୭ଟି ରାଜ୍ୟର ମୁଖ୍ୟମନ୍ତ୍ରୀଙ୍କୁ ଚିଠି ଲେଖି ସୀମା ର୍ନିଦ୍ଧାରଣ ପ୍ରସଙ୍ଗରେ ଏକ ବୈଠକ ଡାକିଛନ୍ତି। ଷ୍ଟାଲିନ ଯେଉଁ ୭ ଜଣ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଛନ୍ତି ସେମାନଙ୍କ ମଧ୍ୟରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଏବଂ ବିଜେପି ଶାସିତ ଓଡ଼ିଶା ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଅନ୍ତର୍ଭୁକ୍ତ। ଆଶ୍ଚର୍ଯ୍ୟଜନକ କଥା ହେଉଛି ଯେ ସୀମା ର୍ନିଦ୍ଧାରଣ ପ୍ରସଙ୍ଗରେ କେନ୍ଦ୍ର ବିରୋଧରେ ପ୍ରତିବାଦ ଜଣାଇ ଷ୍ଟାଲିନ ଭାଜପାଶାସିତ ମୁଖ୍ୟମନ୍ତ୍ରୀଙ୍କୁ ଫୋନ କରିଥିଲେ।

NDTV ରିପୋର୍ଟ ଅନୁଯାୟୀ, କେନ୍ଦ୍ରର ପ୍ରସ୍ତାବିତ ସୀମା ର୍ନିଦ୍ଧାରଣକୁ ବିରୋଧ କରିବା ପାଇଁ ଗଠିତ ମିଳିତ କାର୍ଯ୍ୟ କମିଟିରେ ଯୋଗଦେବାକୁ ଏମକେ ଷ୍ଟାଲିନ ଏହି ସମସ୍ତ ମୁଖ୍ୟମନ୍ତ୍ରୀଙ୍କୁ ନିବେଦନ କରିଛନ୍ତି। ସେ ମାର୍ଚ୍ଚ ୨୨ରେ ଚେନ୍ନାଇରେ ହେବାକୁ ଥିବା ବୈଠକ ପାଇଁ କେରଳ ମୁଖ୍ୟମନ୍ତ୍ରୀ ପି ବିଜୟନ, କର୍ଣ୍ଣାଟକର ସିଦ୍ଧରମୈୟା, ତେଲେଙ୍ଗାନାର ରେବନ୍ତ ରେଡ୍ଡୀ, ଆନ୍ଧ୍ରର ଚନ୍ଦ୍ରବାବୁ ନାଇଡୁ ଏବଂ ପୁଡୁଚେରୀର ଏନ ରଙ୍ଗାସୱାମୀ, ମମତା ବାନାର୍ଜୀ ଏବଂ ମୋହନ ଚରଣ ମାଝୀଙ୍କୁ ନିମନ୍ତ୍ରଣ କରିଛନ୍ତି।

କେବଳ ଏତିକି ନୁହେଁ, ଏମ କେ ଷ୍ଟାଲିନ ଏହି ରାଜ୍ୟଗୁଡ଼ିକର ରାଜନୈତିକ ଦଳର ବରିଷ୍ଠ ନେତାମାନଙ୍କୁ ମଧ୍ୟ ଏକ ବୈଠକ ପାଇଁ ଡକାଇଛନ୍ତି। 'ସୀମା ର୍ନିଦ୍ଧାରଣ ସଂଘୀୟତା ଉପରେ ଏକ ସ୍ପଷ୍ଟ ଆକ୍ରମଣ ଯାହା ସଂସଦରେ ଆମର ନ୍ୟାୟିକ ସୱରକୁ ଛଡ଼ାଇ ନେଇ ଜନସଂଖ୍ୟା ନିୟନ୍ତ୍ରଣ ସୁନିଶ୍ଚିତ କରୁଥିବା ରାଜ୍ୟଗୁଡ଼ିକୁ ଦଣ୍ଡିତ କରେ' ସେ ସୋସିଆଲ ମିଡିଆ ପ୍ଲାଟଫର୍ମ X ରେ ଲେଖିଛନ୍ତି। ଆମେ ଏହି ଗଣତାନ୍ତ୍ରିକ ଅନ୍ୟାୟ ହେବାକୁ ଦେବୁ ନାହିଁ! ଆସନ୍ତା ବର୍ଷ ତାମିଲନାଡୁରେ ବିଧାନସଭା ର୍ନିବାଚନ ଅଛି। ଏହା ପୂର୍ବରୁ, ଏମକେ ଷ୍ଟାଲିନ ହିନ୍ଦୀ ଏବଂ ସୀମା ର୍ନିଦ୍ଧାରଣ ପ୍ରସଙ୍ଗରେ କେନ୍ଦ୍ର ସରକାରଙ୍କୁ ଘେରି ଆସିଛନ୍ତି।

ଡିଏମକେ ସଭାପତି ଏମକେ ଷ୍ଟାଲିନ ଗୁରୁବାର କହିଛନ୍ତି ଯେ ଭାଷାଗତ ସମାନତା ଦାବି କରିବା ଉଗ୍ରବାଦୀ ନୁହେଁ। ଏହା ସହିତ, ସେ ଅଭିଯୋଗ କରିଥିଲେ ଯେ ପ୍ରକୃତ ଉଗ୍ରବାଦୀ ଏବଂ ଦେଶ ବିରୋଧୀ ହେଉଛନ୍ତି ହିନ୍ଦୀ ମୌଳବାଦୀ, ଯେଉଁମାନେ ବିଶ୍ୱାସ କରନ୍ତି ଯେ ସେମାନଙ୍କର ଅଧିକାର ସୱାଭାବିକ କିନ୍ତୁ ବିରୋଧ ଦେଶଦ୍ରୋହ।