ଟି-20 ବିଶ୍ୱକପ: ଭାରତ-ଇଂଲଣ୍ଡ 2ୟ ସେମିଫାଇନାଲ ପୂର୍ବରୁ ଫ୍ୟାନ୍ସଙ୍କ ପାଇଁ ଖୁସି ଖବର, ଜାଣନ୍ତୁ କଣ...
ଆଇସିସି ଟି-20 ବିଶ୍ୱକପରେ ଚମତ୍କାର ପ୍ରଦର୍ଶନ କରି ସେମିଫାଇନାଲରେ ପ୍ରବେଶ କରିଛି ଟିମ୍ ଇଣ୍ଡିଆ । ନଭେମ୍ବର 10 ତାରିଖ ଗୁରୁବାର ଟୁର୍ଣ୍ଣାମେଣ୍ଟର ଦ୍ୱିତୀୟ ସେମିଫାଇନାଲରେ ଭାରତକୁ ଭେଟିବ ଇଂଲଣ୍ଡ । ଏହି ମ୍ୟାଚ୍ ପୂର୍ବରୁ ଭାରତୀୟ ପ୍ରଶଂସକମାନେ ଖୁସି ଅଛନ୍ତି ।
ନୂଆଦିଲ୍ଲୀ: ଆଇସିସି ଟି-20 ବିଶ୍ୱକପରେ ଚମତ୍କାର ପ୍ରଦର୍ଶନ କରି ସେମିଫାଇନାଲରେ ପ୍ରବେଶ କରିଛି ଟିମ୍ ଇଣ୍ଡିଆ । ନଭେମ୍ବର 10 ତାରିଖ ଗୁରୁବାର ଟୁର୍ଣ୍ଣାମେଣ୍ଟର ଦ୍ୱିତୀୟ ସେମିଫାଇନାଲରେ ଭାରତକୁ ଭେଟିବ ଇଂଲଣ୍ଡ । ଏହି ମ୍ୟାଚ୍ ପୂର୍ବରୁ ଭାରତୀୟ ପ୍ରଶଂସକମାନେ ଖୁସି ଅଛନ୍ତି । ତେବେ ଆପଣ ଜାଣନ୍ତି କି ଏହି ଖୁସିର କାରଣ...
ଏହି ଖୁସିର କାରଣ ହେଉଛି ଆଇସିସି ଅମ୍ପାୟାର ପ୍ୟାନେଲ ତାଲିକା । ଉଭୟ ସେମିଫାଇନାଲରେ ମ୍ୟାଚ୍ ସମୟରେ ଅଫିସିଆଲ ହେବାକୁ ଆଇସିସି ଅମ୍ପାୟାର ପ୍ୟାନେଲ ଘୋଷଣା କରିଛି । ଏହି ତାଲିକାରେ ଭାରତ ମ୍ୟାଚ ପାଇଁ ସେହି ବ୍ୟକ୍ତିଙ୍କ ନାମ ନାହିଁ, ଯାହାକୁ ପ୍ରଶଂସକମାନେ ଅନଲକି ବୋଲି ବିବେଚନା କରନ୍ତି । ଆଉ ସେହି ବ୍ୟକ୍ତି ହେଉଛନ୍ତି ଅମ୍ପାୟାର ରିଚାର୍ଡ କ୍ୟାଟଲବୋରୋ ।
ବାସ୍ତବରେ ଯେତେବେଳେ ବି ରିଚାର୍ଡ କ୍ୟାଟଲବୋରୋ ଟିମ୍ ଇଣ୍ଡିଆ ପାଇଁ ଆଇସିସି ଇଭେଣ୍ଟର ନକ୍ ଆଉଟ୍ ମ୍ୟାଚରେ ଥିଲେ । ଦଳ ପରାସ୍ତ ହୋଇଥିଲା । 2014 ଟି-20 ବିଶ୍ୱକପ ଫାଇନାଲରେ ଦଳକୁ ପରାଜୟର ସମ୍ମୁଖୀନ ହେବାକୁ ପଡିଲା । 2015 ଦିନିକିଆ ବିଶ୍ୱକପରେ ସେମିଫାଇନାଲରେ ହାରି ଯାଇଥିଲା । 2016 ଟି-20 ବିଶ୍ୱକପ ସେମିଫାଇନାଲରେ ହାରିବା ପରେ ଟିମ୍ ଇଣ୍ଡିଆ ଆଉଟ୍ ହୋଇଥିଲା। 2017 ଚାମ୍ପିଅନ୍ସ ଟ୍ରଫିର ନକ୍ଆଉଟ୍ ମ୍ୟାଚରେ ଭାରତ ହାରିଥିଲା । ସେହିପର 2019 ଦିନକିଆ ବିଶ୍ୱକପରେ ଭାରତ ସେମିଫାଇନାଲରେ ହାରି ଯାଇଥିଲା । ତେବେ ଏହି ସମସ୍ତ ମ୍ୟାଚରେ ରିଚାର୍ଡ ଅମ୍ପେୟାର ଭାବେ ଉପସ୍ଥିତ ଥିଲେ।
ତେବେ ଚଳିତ ଟି-20 ବିଶ୍ୱକପ ଉଭୟ ସେମିଫାଇନାଲ ମ୍ୟାଚ ପାଇଁ କୁମାର ଧର୍ମସେନା ଏବଂ ପଲ୍ ରିଫେଲ ଫିଲ୍ଡ ଅମ୍ପାୟାର ଭାବରେ ମନୋନୀତ ହୋଇଥିବା ବେଳେ କ୍ରିସ୍ ଗାଫ୍ନି ତୃତୀୟ ଅମ୍ପାୟାର ହେବେ। ମ୍ୟାଚ୍ ରେଫରି ଭୂମିକାରେ ଡେଭିଡ ବୁନ୍ ନଜର ଆସିବେ।
କହି ରଖୁ କି, 2007 ରେ, ମହେନ୍ଦ୍ର ସିଂ ଧୋନିଙ୍କ ଅଧିନାୟକତ୍ୱରେ ଦଳ ଜିତିଥିଲା ଏବଂ ବର୍ତ୍ତମାନ ରୋହିତଙ୍କ ଅଧିନାୟକତ୍ୱରେ ସମାନ କୀର୍ତ୍ତିର ପୁନରାବୃତ୍ତି କରିବାକୁ ଯାଉଛି । ଇଂଲଣ୍ଡ ବିପକ୍ଷ ସେମିଫାଇନାଲ ବିଜୟ ପାଇଁ ଟିକେଟ୍ ସୁରକ୍ଷିତ କରିବାକୁ ଭାରତୀୟ ଦଳ ଚାହୁଁଛି ।