ଅଟୋକୁ ଚାପିଦେଲା ହାଇୱା:୫ ମୃତ
Accident News: ଅଟୋକୁ ଚାପିଦେଲା ହାଇୱା । ଘଟଣାସ୍ଥଳରେ ଗୋଟିଏ ପରିବାରର ୫ ଜଣଙ୍କ ମୃତ୍ୟୁ ଘଟିଥିବା ବେଳେ ୨ ଜଣ ଗୁରୁତର ଆହତ ହୋଇଛନ୍ତି । ଆହତଙ୍କୁ ସୁନ୍ଦରଗଡ଼ ମେଡିକାଲରେ ଭର୍ତ୍ତି କରାଯାଇଛି । ଆଜି ଅପରାହ୍ନରେ ସୁନ୍ଦରଗଡ଼ ଜିଲ୍ଲାରେ ଏପରି ମର୍ମନ୍ତୁଦ ସଡ଼କ ଘଟିଛି ।
ସୂଚନା ଅନୁସାରେ, ପିକନିକ୍ ସାରି ଗୋଟିଏ ପରିବାର ଅଟୋରେ ଘରକୁ ଫେରୁଥିବା ବେଳେ ତିଲେନଡିହି ନିକଟରେ ବିଚ୍ ରାସ୍ତାରେ ଏକ ହାଇୱା ଅଟୋ ଉପରେ ଚଢିଯାଇଥିଲା । ଫଳରେ ଘଟଣାସ୍ଥଳରେ ୫ ଜଣଙ୍କ ମୃତ୍ୟୁ ଘଟିଛି ଏବଂ ୨ ଜଣ ଆହତ ହୋଇଛନ୍ତି । ତେବେ ମୃତକ ୫ ଜଣ ହେଉଛନ୍ତି ମହିଳା । ଖବର ପାଇ ଉଦ୍ଧାରକାରୀ ଦଳ ଘଟଣା ସ୍ଥଳରେ ପହଞ୍ଚି ଜଣେ ମହିଳା ଓ ଜଣେ ଶିଶୁଙ୍କୁ ଉଦ୍ଧାର କରି ସୁନ୍ଦରଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ସେମାନଙ୍କ ସ୍ୱାସ୍ଥ୍ୟ ବର୍ତ୍ତମାନ ଗୁରୁତର ଥିବା ନେଇ ସୂଚନା ରହିଛି ।
ସେହିପରି ଦୁର୍ଘଟଣା ପରେ ହାଇୱା ଟ୍ରକ ଡ୍ରାଇଭର ଫେରାର ଥିବା ବେଳେ ସ୍ଥାନୀୟ ଲୋକ ରାସ୍ତାରୋକ କରିଛନ୍ତି । ମୃତକ ପରିବାରକୁ କ୍ଷତିପୂରଣ ପ୍ରଦାନ କରିବାକୁ ଦାବି କରିଛନ୍ତି ଏବଂ ହାଇୱା ଡ୍ରାଇଭର ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନେବା ପାଇଁ ଡିମାଣ୍ତ କରାଯାଇଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
Click it and Unblock the Notifications
Sign in with Google