ବ୍ରହ୍ମପୁରରୁ କେରଳର ୱାୟନାଡଗଲା ସନ୍ଧାନୀ କୁକୁର ‘ଷ୍ଟର୍ମ'; ଶହ ଶହ ଲୋକ ଏବେବି ନିଖୋଜ

ୱାୟନାଡରେ ପ୍ରକୃତିର ତାଣ୍ଡବ ପରେ ଚାଲିଛି । ଭୂ-ସ୍ଖଳନର ମହାବିପର୍ଯ୍ୟୟରେ ବଢ଼ି ଚାଲିଛି ମୃତ୍ୟୁସଂଖ୍ୟା । ଚାଲିଛି ରେସ୍କ୍ୟୁ ଅପରେସନ୍‌। ଉଦ୍ଧାର କାର୍ଯ୍ୟରେ ସହଯୋଗ କରିବାକୁ ସେଠାକୁ ଯାଇଛି ବ୍ରହ୍ମପୁର ପୋଲିସର ସନ୍ଧାନୀ କୁକୁର 'ଷ୍ଟର୍ମ' । ଆଉ ତା' ସହିତ ୪ ଜଣ ଅଧିକାରୀ ମଧ୍ୟ ୱାୟନାଡ ଗସ୍ତ କରିଛନ୍ତି । ଏନେଇ ସୂଚନା ଦେଇଛନ୍ତି ବ୍ରହ୍ମପୁର ଏସ୍‌ପି ସାର୍ଥକ ଷଡଙ୍ଗୀ କହିଛନ୍ତି ।

ଷ୍ଟର୍ମ' ହେଉଛି ବ୍ରହ୍ମପୁର ପୋଲିସର ଏକମାତ୍ର କୁକୁର ଯିଏ ସନ୍ଧାର ଓ ଉଦ୍ଧାର କରିବାର ଟ୍ରେନିଂ ନେଇଛି। 'ଷ୍ଟର୍ମ' ସହିତ ଜଣେ ଏସ୍‌ଆଇ, ଦୁଇ ଏଏସ୍‌ଆଇ, ଟ୍ରେନର ଓ ଅନ୍ୟଜଣେ କର୍ମଚାରୀ ଯାଇଥିବା ସୂଚନା ମିଳିଛି । ଓଡ଼ିଶା ପୋଲିସର ଏକ କୁକୁର ସେଠାକୁ ଯାଇ ଉଦ୍ଧାର କାର୍ଯ୍ୟରେ ସାମିଲ ହେବ।

ବେସରକାରୀ ଭାବେ ମୃତ୍ୟୁସଂଖ୍ୟା ୩୫୦ ଟପିଥିବା ବେଳେ, ଶହ ଶହ ଲୋକ ଏବେବି ନିଖୋଜ ଅଛନ୍ତି । ଲେନ୍ସରେ କଏଦ ହୋଇଛି, କିପରି ଛାରଖାର ହୋଇଯାଇଛି ଗାଁ । ରାତିକ ଭିତରେ କିପରି ଛାରଖାର ହୋଇଗଲା ତିନି ତିନିଟି ଗାଁ, ମରି ହଜିଗଲେ ଶହ ଶହ ଲୋକ, ରାତାରାତି କିପରି ବଦଳିଗଲା ଏ ଅଞ୍ଚଳର ରୂପ । ଭୂସ୍ଖଳନ ପରେ ପାହାଡ଼ ଉପରୁ ଟନ୍ ଟନ୍ ଓଜନର ଅସଂଖ୍ୟ ପଥର ଓ କାଠଗଣ୍ଡି ଆସି, ଅଜାଡ଼ି ହୋଇପଡ଼ିଛି ବିସ୍ତୀର୍ଣ୍ଣ ଇଲାକାରେ ଭୂସ୍ଖଳନରେ ଯେଉଁ ୩ଟି ଗାଁ ନିଶ୍ଚିହ୍ନ ହୋଇଯାଇଛି ।

ପ୍ରଳୟର ତାଣ୍ଡବ ଯେଉଁ ଘରଗୁଡ଼ିକର ଅତାପତା ପୋଛି ଦେଇଛି । ଏବେ ବି ଜାରି ରହିଛି ପଥର ତଳୁ ଜୀବନ ଖୋଜା । ଯୁଆଡ଼େ ଦେଖିବେ ଶହ ଶହ ଉଦ୍ଧାରକାରୀ ଦେବଦୂତ । ତନ୍ନତନ୍ନ ଅଣ୍ଡାଳୁଛନ୍ତି ପ୍ରତିଟି ଇଲାକା । ନିଜ ନିଜ ଅଭିଯାନରେ ମଗ୍ନ ଜେସିବି, ସନ୍ଧାନୀ କୁକୁର ଓ ଆମ୍ବୁଲାନ୍ସ।

ପୋଲିସର କୁକୁର କେବଳ ସନ୍ଧାନ ପାଇଁ ଟ୍ରେନିଂ ନେଇଥିବା ବେଳେ ଷ୍ଟର୍ମ ଉଦ୍ଧାର କାର୍ଯ୍ୟର ପ୍ରଶିକ୍ଷଣ ନେଇଛି। ତେଣୁ ଷ୍ଟର୍ମକୁ ଏଥିପାଇଁ ଚୟନ କରାଯାଇଥିବା ସୂଚନା ମିଳିଛି।