ବାଘ ଛାଲ ଓ ହାତୀ ଦାନ୍ତ ଉଦ୍ଧାର
ନୟାଗଡ଼ରୁ ଏକ ଚିତାବାଘ ଛାଲ ଏବଂ ଦୁଇଟି ହାତୀ ଦାନ୍ତକୁ କ୍ରାଇମ ବ୍ରାଞ୍ଚ ସ୍ପେଶାଲ ଟାସ୍କ ଫୋର୍ସ (ଏସଟିଏଫ) ଶନିବାର ଜବତ କରିଛି। ଏହାକୁ ଚୋରା ଚାଲାଣ କରୁଥିବା ଘଟଣାରେ ଦୁଇ ଜଣଙ୍କୁ ଗିରଫ କରାଯାଇଛି।
ନୟାଗଡ: ନୟାଗଡ଼ରୁ ଏକ ଚିତାବାଘ ଛାଲ ଏବଂ ଦୁଇଟି ହାତୀ ଦାନ୍ତକୁ କ୍ରାଇମ ବ୍ରାଞ୍ଚ ସ୍ପେଶାଲ ଟାସ୍କ ଫୋର୍ସ (ଏସଟିଏଫ) ଶନିବାର ଜବତ କରିଛି। ଏହାକୁ ଚୋରା ଚାଲାଣ କରୁଥିବା ଘଟଣାରେ ଦୁଇ ଜଣଙ୍କୁ ଗିରଫ କରାଯାଇଛି। କୌଣସି ସୂତ୍ରରୁ ଖବର ପାଇଁ ଏସଟିଏଫ୍ ଟିମ୍ ମହାନଦୀ ନଦୀ କୂଳରେ ଥିବା ମା କାଲାପାଟା ମନ୍ଦିର ନିକଟ ଗାନିଆ-ଚାମୁଣ୍ଡିଆ ରାସ୍ତାରୁ ଦୁଇ ଜଣଙ୍କୁ ଗିରଫ କରିଥିଲା।
ଗିରଫ ଦୁଇ ଜଣ ହେଲେ କଟକର ନରସିଂହପୁର ଅନ୍ତର୍ଗତ ଚକ୍ରଗଡା ଗାଁର ରମେଶ ପ୍ରତୀହାରୀ ଓ ନୟାଗଡ଼ ଗଣିଆ ଅନ୍ତର୍ଗତ ବେଥିଆ ସାହି ଗାଁର ବିମ୍ବାଧର ତରାଇ। ତେବେ ଜବତ ହୋଇଥିବା ଚିତାବାଘ ଚର୍ମ ଏବଂ ହାତୀ ଦାନ୍ତକୁ ରାସାୟନିକ ପରୀକ୍ଷା ପାଇଁ ଦେହରାଡୁନରେ ଥିବା ୱାଇଲ୍ଡ ଲାଇଫ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆକୁ ପଠାଯିବ ବୋଲି ଏସଟିଏଫ୍ ଟିମ୍ କହିଛି।
ସେହିପରି ଗତ ବର୍ଷ ବନ୍ୟଜନ୍ତୁ ଶିକାର କରୁଥିବା ଅପରାଧୀଙ୍କ ଠାରୁ ଏସଟିଏଫ ୧୩ଟି ଚିତାବାଘ ଛାଲ, ୯ ଟି ହାତୀ ଦାନ୍ତ, ୨ ହରିଣ ଛାଲ, ୩ ବଜ୍ରକାପ୍ତା ୫ କିଲୋଗ୍ରାମ ଚମଡା ଜବତ କରିବା ସହ ୨୭ ଜଣକୁ ଗିରଫ କରିଥିବା ଜଣାପଡିଛି।
Click it and Unblock the Notifications
Sign in with Google