ସ୍ନାନବେଦୀରେ ଭକ୍ତଙ୍କୁ ଦର୍ଶନ ଦେଲେ ଶ୍ରୀଜିଉ

ସ୍ନାନ ମଣ୍ଡପରେ ଭକ୍ତଙ୍କୁ ଦର୍ଶନ ଦେଉଛନ୍ତି ମହାବାହୁ । ଆଜି 108 ଗରା ସୁବାସିତ ଜଳରେ ସ୍ନାନ କରିବେ ଶ୍ରୀଜିଉ । ଏଥିପାଇଁ ବିଳମ୍ବିତ ରାତିରୁ ଆରମ୍ଭ ହୋଇଛି ସ୍ବତନ୍ତ୍ର ନୀତିକାନ୍ତି ।

ପୁରୀ: ଅପେକ୍ଷାର ଘଟିଲା ଅନ୍ତ । ସ୍ନାନ ମଣ୍ଡପରେ ଭକ୍ତଙ୍କୁ ଦର୍ଶନ ଦେଉଛନ୍ତି ମହାବାହୁ । ଆଜି 108 ଗରା ସୁବାସିତ ଜଳରେ ସ୍ନାନ କରିବେ ଶ୍ରୀଜିଉ । ଏଥିପାଇଁ ବିଳମ୍ବିତ ରାତିରୁ ଆରମ୍ଭ ହୋଇଛି ସ୍ବତନ୍ତ୍ର ନୀତିକାନ୍ତି ।

ରାତି 3ଟା 30ରୁ ମଙ୍ଗଳାର୍ପଣ 4ଟାରୁ 6ଟା ମଧ୍ୟରେ ପହଣ୍ଡି କରାଯାଇଛି । 7ଟାରେ ତଡ଼ପ ଲାଗି କରାଯାଉଥିବା ବେଳେ 8ଟାରେ ଅବକାଶ ନୀତି ସମ୍ପର୍ଣ୍ଣ ହୋଇଛି । ଦିନ 12. 15ରୁ 12.45 ମଧ୍ୟରେ ଛେରା ପହଁରା ପରେ ଗଜାନନ ବେଶରେ ଦର୍ଶନ ଦେବେ ଶ୍ରୀଜିଉ ।

ଭକ୍ତଙ୍କ ଶୃଙ୍ଖଳିତ ଦର୍ଶନ ପାଇଁ ଶ୍ରୀମନ୍ଦିର ପକ୍ଷରୁ ବିଶେଷ ବ୍ୟବସ୍ଥା କରାଯାଇଛି । ଶ୍ରୀମନ୍ଦିର ସହ ପୁରୀରେ 5ସ୍ତରୀୟ ପୋଲିସ ଫୋର୍ସ ମୁତୟନ ହୋଇଛନ୍ତି । 3 କମାଣ୍ଡାଣ୍ଟ, 11 ଜଣ ଅତିରିକ୍ତ ଏସପି, 21 ଜଣ ଡିଏସପି ମୁତୟନ ହୋଇଛନ୍ତି। 50ରୁ ଅଧିକ ଇନ୍ସପେକ୍ଟର,ଦୁଇ ଶହରୁ ଅଧିକ ଏଏସଆଇ ଓ ଏସଆଇ ମଧ୍ୟ ରହିଛନ୍ତି । 1ହଜାର କନେଷ୍ଟବଳ ଓ ହୋମ ଗାଡର୍ ସହ 52 ପ୍ଲାଟୁନ୍ ଫୋର୍ସ ମୁତୟନ କରାଯାଇଛି ।

English summary

Mahabahu is giving darshan to devotees at the Snana mandap. Srijiu will bath in 108 gara scented water today. This is why special NITI have started late at night.