ଆଜି ପ୍ରସିଦ୍ଧ ଶୀତଳ ଷଷ୍ଠୀ ଯାତ୍ରା, ଉତ୍ସବ ମୁଖର ସମ୍ବଲପୁର ସହର
ସମ୍ବଲପୁର: ଆଜି ବିଶ୍ୱ ପ୍ରସିଦ୍ଧ ଶୀତଳ ଷଷ୍ଠୀ ଯାତ୍ରା । ଧରାପୃଷ୍ଠରେ ମହାଦେବଙ୍କ ହାତ ଧରିବେ ମାଆ ପାର୍ବତୀ । ଶୀତଳଷଷ୍ଠୀ ପାଇଁ ଚଳଚଞ୍ଚଳ ସମ୍ବଲପୁର ସହର । ରାତିରେ ବିଭିନ୍ନ ଶିବ ମନ୍ଦିରରୁ ବାହାରିବ ବିବାହ ଶୋଭାଯାତ୍ରା । ବାଜା, ବାଣ, ନାଚ ଗୀତ ଓ ବର ରୋଷଣୀରେ କମ୍ପିବ ସହର ।
ସେହିପରି ମାଆଙ୍କୁ ନିଜ କନ୍ୟା ରୂପେ ଏବଂ ମହାଦେବଙ୍କୁ ଜ୍ୱାଇଁ ରୂପେ ପାଇଁ ସୌଭାଗ୍ୟ ପାଇଛନ୍ତି ବୁଢାରାଜା ପଡ଼ାର ସୁରେଖା ଓ ତାଙ୍କ ପରିବାର । ବେଶ୍ ଆନନ୍ଦରେ ଚାଲିଛି ସମସ୍ତ ପ୍ରସ୍ତୁତି । ନଡ଼ିଆ, ପଇତା, ଗୁଆ ସହ ସହରର ସମସ୍ତ ମନ୍ଦିରରେ ନିମନ୍ତ୍ରଣ ଦିଆଯାଉଛି ।
ସକାଳ ୯ଟାରେ ପହଖିଆ ଅନ୍ନନୀତି ଲାଗି ହେବା ପରେ ୧୦ଟାରେ ଭଗବାନ ଶିବଙ୍କୁ ବରଣ କରିବା ପାଇଁ ବରଧରା ବେଶ ସାଜି ହନୁମାନ ଗମନ ଆରମ୍ଭ କରିବେ । ଏହା ପରେ ସଂଧ୍ୟାରେ ବରାନୁଗମନ ଶୋଭାଯାତ୍ରା ଅନୁଷ୍ଠିତ ହେବ ଏବଂ ୪ଟା ପରେ ବାବାଙ୍କର ରାଜରାଜେଶ୍ୱର ବେଶ ସହ ୫ଟାରେ ଦିଅଁ ମଙ୍ଗୁଳା ନୀତି ଅନୁଷ୍ଠିତ ହେବାର ପରମ୍ପରା ରହିଛି ।
ଶିବ-ପାର୍ବତୀ ବିବାହ ପାଇଁ ରଙ୍ଗବେରଙ୍ଗ ଲାଇଟରେ ସଜେଇ ହୋଇଛି ସମ୍ବଲପୁର ସହର । ସେହିପରି ପ୍ରତ୍ୟେକ ଘରେ କୁଣିଆଙ୍କ ଭିଡ ଜମିଛି । ପ୍ରତ୍ୟେକଙ୍କ ଘରେ ବନ୍ଧୁ ବାନ୍ଧବ ଓ ନୂଆ ପୋଷାକ, ଖାଦ୍ୟ ପେୟର ଆସର ଜମିଛି । ଏହି ଦିନଟିକୁ ଅତି ଆନନ୍ଦର ସହ ପାଳନ କରନ୍ତି ପଶ୍ଚିମ ଓଡିଶାବାସୀ ।
Click it and Unblock the Notifications
Sign in with Google