Click it and Unblock the Notifications
MUST READ
ଜାତୀୟ ସ୍ତରରେ ଓଡିଆଙ୍କ ପତିଆରା, LIC MD ହେଲେ ଓଡିଶାର ସିଦ୍ଧାର୍ଥ ମହାନ୍ତି
ସିଦ୍ଧାର୍ଥ ମହାନ୍ତିଙ୍କୁ ଦେଶ ସର୍ବବୃହତ ବିମା କମ୍ପାନୀ ଜୀବନ ବୀମା ନିଗମ (ଏଲଆଇସି) ର ପରିଚାଳନା ନିର୍ଦ୍ଦେଶକ ଭାବେ ନିଯୁକ୍ତ କରାଯାଇଛି ।
ଭୁବନେଶ୍ବର: ଧିରେ ଧିରେ ଜାତୀୟ ସ୍ତରରେ ବଢୁଛି ଓଡିଆଙ୍କ ଦବାଦବା । ପୁଣି ଜଣେ ଓଡିଆ ପୁଅଙ୍କୁ ଗୁରୁ ଦାୟିତ୍ୱ ଦେଇଛନ୍ତି କେନ୍ଦ୍ର ସରକାର । ସିଦ୍ଧାର୍ଥ ମହାନ୍ତିଙ୍କୁ ଦେଶ ସର୍ବବୃହତ ବିମା କମ୍ପାନୀ ଜୀବନ ବୀମା ନିଗମ (ଏଲଆଇସି) ର ପରିଚାଳନା ନିର୍ଦ୍ଦେଶକ ଭାବେ ନିଯୁକ୍ତ କରାଯାଇଛି ।\
ସେ ଫେବୃଆରୀ 1 ରୁ ଜୁନ୍ 30, 2023 ପର୍ଯ୍ୟନ୍ତ LIC MD ଭାବରେ କାର୍ଯ୍ୟ କରିବେ। ବର୍ତ୍ତମାନ LIC ହାଉସିଂ ଫାଇନାନ୍ସର ସିଇଓ ରହିଛନ୍ତି ଶ୍ରୀ ମହାନ୍ତି । ଜାନୁଆରୀ 31 ରେ LIC MD ଭାବରେ ଅବସର ନେବେ ଟି. ସୁଶିଲ କୁମାର । ତାଙ୍କ ସ୍ଥାନରେ ଦାୟିତ୍ବ ଗ୍ରହଣ କରିବେ ସେ ।
କ୍ୟାବିନେଟର ନିଯୁକ୍ତି କମିଟି (ଏସିସି) ମହାନ୍ତିଙ୍କ ନିଯୁକ୍ତି ପାଇଁ ଆର୍ଥିକ ସେବା ବିଭାଗର ପ୍ରସ୍ତାବକୁ ଅନୁମୋଦନ କରିଛି। LIC ହାଉସିଂ ଫାଇନାନ୍ସରେ ଯୋଗଦେବା ପୂର୍ବରୁ ମହାନ୍ତି ଆଇନ ବିଭାଗ ପରିଚାଳନା କରୁଥିବା LIC ରେ କାର୍ଯ୍ୟନିର୍ବାହୀ ନିର୍ଦ୍ଦେଶକ ଥିଲେ । ସେ 1985 ରେ ସିଧାସଳଖ ନିଯୁକ୍ତି ଅଧିକାରୀ ଭାବରେ LIC ସହିତ ତାଙ୍କ କ୍ୟାରିଅର୍ ଆରମ୍ଭ କରିଥିଲେ ।
