ଓଡ଼ିଶା ଗସ୍ତରେ ଆସୁଛନ୍ତି ଆରଏସଏସର ମୁଖ୍ୟ ମୋହନ ଭାଗବତ

Published: Sunday, December 31, 2023, 17:20 [IST]

ଭୁବନେଶ୍ୱର: ଓଡ଼ିଶା ଗସ୍ତରେ ଆସୁଛନ୍ତି ଆରଏସଏସର ମୁଖ୍ୟ ମୋହନ ଭାଗବତ । ୧ ଜାନୁଆରୀ ୨୦୨୪ରୁ ୫ ତାରିଖ ପର୍ଯ୍ୟନ୍ତ ରାଉରକେଲା ଅଗ୍ରେସନରେ ରାଷ୍ଟ୍ରୀୟ ସ୍ୱୟଂସେବକ ସଂଘର ଏକ ଚିନ୍ତନ ବୈଠକ ଅନୁଷ୍ଠିତ ହେବ ଯେଉଁଥିରେ ଯୋଗ ଦେବେ ଡା.ମୋହନରାଓ ଭାଗବତ ।

ରାଷ୍ଟ୍ରୀୟ ସ୍ୱୟଂସେବକ ସଂଘର ଦ୍ୱାରା ଅନୁଷ୍ଠିତ ବୈଠକରେ ପରମ ପୂଜନୀୟ ସରସଂଘଚାଳକ ଡା.ମୋହନରାଓ ଭାଗବତଙ୍କ ସହ ଅନ୍ୟ ଅଖିଳ ଭାରତୀୟ ଅଧିକାରୀ ମାନେ ମଧ୍ୟ ଯୋଗ ଦେବାର ସୂଚନା ରହିଛି । ସେହିପରି ଏହି ବୈଠକରେ ବିବିଧ କ୍ଷେତ୍ରର ଅଖିଳ ଭାରତୀୟ ପ୍ରମୁଖ ମାନେ ମଧ୍ୟ ଉପସ୍ଥିତ ରହିବେ । ଏହି ବୈଠକରେ ସଂଘର ପୂର୍ବ କାର୍ଯ୍ୟର ସମୀକ୍ଷା ସହିତ ଆଗାମୀ କାର୍ଯ୍ୟ ସମ୍ୱନ୍ଧରେ ଯୋଜନା କରାଯିବ ।

ସୂଚନା ଅନୁସାରେ, ଏହା ସଂଘର ଏକ ସାଙ୍ଗଠନିକ ବୈଠକ, ପୂଜନୀୟ ସରସଂଘଚାଳକଙ୍କ ପ୍ରବାସ ସମୟରେ ଅନ୍ୟ କୌଣସି ସର୍ବସାଧାରଣ କାର୍ଯ୍ୟକ୍ରମ କିମ୍ବା କୌଣସି ପ୍ରେସମିଟର ମଧ୍ୟ ଆୟୋଜନ କରାଯିବ ନାହିଁ ।

Published On December 31, 2023