ଓଡିଶା ବଜେଟ 2022-23: E & IT ସେକ୍ଟରକୁ 302 କୋଟି
ଶନିବାର ବିଧାନସଭାରେ ଉପସ୍ଥାପିତ ହୋଇଥିବା 2022-23 ଆର୍ଥିକ ବର୍ଷର ପୂର୍ଣ୍ଣାଙ୍ଗ ବଜେଟରେ ଇଲେକ୍ଟ୍ରୋନିକ୍ସ ଆଣ୍ଡ ଇନଫରମେସନ୍ ଟେକ୍ନୋଲୋଜି (ଇ ଆଣ୍ଡ ଆଇଟି) କ୍ଷେତ୍ର ପାଇଁ 302 କୋଟି ଟଙ୍କା ବ୍ୟୟବରାଦ କରାଯାଇଛି ।
ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପରିବର୍ତ୍ତନଶୀଳ ପଦକ୍ଷେପ ପଛରେ ପ୍ରଯୁକ୍ତିବିଦ୍ୟା ଏକ ପ୍ରମୁଖ ମାଧ୍ୟମ ହୋଇଥିବାରୁ ଚଳିତ ବଜେଟରେ ଇଲେକ୍ଟ୍ରୋନିକ୍ସ ଆଣ୍ଡ ଇନଫରମେସନ୍ ଟେକ୍ନୋଲୋଜି (ଇ ଆଣ୍ଡ ଆଇଟି) କ୍ଷେତ୍ରର ଅଭିବୃଦ୍ଧି ପାଇଁ ଓଡିଶା ସରକାର ସର୍ବାଧିକ ଗୁରୁତ୍ୱ ଦେଇଛନ୍ତି ।
ଗତକାଲି (ଶନିବାର) ବିଧାନସଭାରେ ଉପସ୍ଥାପିତ ହୋଇଥିବା 2022-23 ଆର୍ଥିକ ବର୍ଷର ପୂର୍ଣ୍ଣାଙ୍ଗ ବଜେଟରେ ଇଲେକ୍ଟ୍ରୋନିକ୍ସ ଆଣ୍ଡ ଇନଫରମେସନ୍ ଟେକ୍ନୋଲୋଜି (ଇ ଆଣ୍ଡ ଆଇଟି) କ୍ଷେତ୍ର ପାଇଁ 302 କୋଟି ଟଙ୍କା ବ୍ୟୟବରାଦ କରାଯାଇଛି । ଯେଉଁଠି ଆଇଟି ଇନଫ୍ରା ଏବଂ କନେକ୍ଟିଭିଟି ପାଇଁ 132 କୋଟି ଟଙ୍କା, ଇଲେକ୍ଟ୍ରୋନିକ୍ସ ସିଷ୍ଟମ ଡିଜାଇନ ଆଣ୍ଡ ପ୍ରଡକ୍ସନର ପ୍ରୋତ୍ସାହନ ତଥା ସୁବିଧା ପାଇଁ 44 କୋଟି ଟଙ୍କା ରହିଛି । ଏହି ବଜେଟରେ ସାମାଜିକ ସୁରକ୍ଷା ବିତରଣ ପାଇଁ 24 କୋଟି ଟଙ୍କା ଆବଣ୍ଟନ ମଧ୍ୟ ରହିଛି।
ଓଡିଶାରେ ବୈଦ୍ୟୁତିକ ଯାନ ବ୍ୟବହାରକୁ ପ୍ରୋତ୍ସାହିତ କରିବା ଉଦ୍ଦେଶ୍ୟରେ ବୈଦ୍ୟୁତିକ ଯାନ ନୀତି କାର୍ଯ୍ୟକାରୀ ପାଇଁ 50 କୋଟି ଟଙ୍କା ମୂଲ୍ୟର ପାଣ୍ଠି ଆବଣ୍ଟନ କରାଯାଇଛି । ଏହା ବ୍ୟତୀତ ରାଜ୍ୟ ସରକାର ବିଭିନ୍ନ ପ୍ରକାର ଟେକ୍ନୋଲୋଜି ପାଇଁ ବିଭିନ୍ନ ବିଭାଗକୁ 1000 କୋଟିରୁ ଅଧିକ ମୂଲ୍ୟର ପାଣ୍ଠି ମଧ୍ୟ ଆବଣ୍ଟନ କରିଛନ୍ତି। ଯେହେତୁ ଏହି ବଜେଟରେ ମୁଖ୍ୟମନ୍ତ୍ରୀଙ୍କ 5T ମନ୍ତ୍ର ଓ ମୋ ସରକାରର ସଫଳ ରୂପାୟନ ସହିତ ମେଳ ଖାଉଛି । ତେଣୁ ରାଜ୍ୟ ସରକାର ଟେକ୍ନୋଲୋଜି ଉପରେ ଏହାର ଆଭିମୁଖ୍ୟକୁ ପୁନଃ ପ୍ରମାଣିତ କରିଛନ୍ତି, ଯାହା ରାଜ୍ୟର ବିକାଶରେ ଏକ ପ୍ରମୁଖ ମାଧ୍ୟମ ସାଜିବ ।
Click it and Unblock the Notifications
Sign in with Google