ଟ୍ରକକୁ ପିଟିଲା ବସ୍:୭ ଆହତ
ଭଦ୍ରକ: ଟ୍ରକକୁ ପଛରୁ ପିଟିଲା ଏକ ଯାତ୍ରୀବାହୀ ବସ୍ । ଦୁର୍ଘଟଣାରେ ୭ ଜଣ ଆହତ ହୋଇଥିବା ନେଇ ସୂଚନା ରହିଛି । ବସଟି ଭୁବନେଶ୍ୱରରୁ କୋଲକାତା ଯାଉଥିବା ବେଳେ NH-୧୬ର ବୀଣା ପେଟ୍ରୋଲ ପମ୍ପ ନିକଟରେ ଦୁର୍ଘଟଣାଗ୍ରସ୍ଥ । ଆହତଙ୍କୁ ଭଦ୍ରକ ମେଡିକାଲରେ ଭର୍ତ୍ତି କରାଯାଇଛି । ଦୁର୍ଘଟଣା ପରେ ବସ୍ ଡ୍ରାଇଭର ଏବଂ କଣ୍ତକ୍ଟର ଫେରାର ଅଛନ୍ତି ।
ସୂଚନା ଅନୁସାରେ, ଶନିବାର ଦିନ ଶୁଭଲକ୍ଷ୍ମୀ ନାମକ ଏକ ବସଟି ଭୁବନେଶ୍ୱରରୁ କୋଲକାତା ଯାଉଥିବା ସମୟରେ ଭଦ୍ରକ ବୀଣା ପେଟ୍ରୋଲ ପମ୍ପ ନିକଟରେ ୧୬ ନମ୍ବର ଜାତୀୟ ରାଜପଥରେ ଦୁର୍ଘଟଣା ଘଟିଛି । ତେବେ ରାସ୍ତା କଡରେ ଛିଡା ହୋଇଥିବା ଏକ ଟ୍ରକକୁ ବସଟି ପଛରୁ ପିଟି ଥିଲା । ଯାତ୍ରୀଙ୍କ ସୂଚନା ଅନୁସାରେ, ବସଟି ଦ୍ରୁତଗତିରେ ଯାଉଥିଲା । ଯାତ୍ରୀ ଡ୍ରାଇଭରକୁ ଧିରେ ଚଲାଇବା ପାଇଁ କହିଥିଲେ ହେଲେ ଡ୍ରାଇଭର ଜଣକ କାହା କଥା ଶୁଣି ନଥିଲେ । ଯାହା ଫଳରେ ବସଟି ଦୁର୍ଘଟଣାଗ୍ରସ୍ଥ ହୋଇଥିଲା ।
Click it and Unblock the Notifications
Sign in with Google