ସିବିଆଇ ଜାଲରେ ପୂର୍ବତନ ରେଳ ଅଧିକାରୀ, ଘରୁ ମିଳିଲା ୧୭ କେଜି ସୁନା

Updated: Tuesday, January 17, 2023, 21:31 [IST]

ଭୁବନେଶ୍ୱର: ସିବିଆଇ ଜାଲରେ ଅବସରପ୍ରାପ୍ତ ରେଳ ଅଧିକାରୀ । ପୂର୍ବତନ ରେଳ କର୍ମଚାରୀ ପ୍ରମୋଦ କୁମାର ଜେନାଙ୍କ ଘରୁ ମିଳିଲା ୧୭ କେଜି ସୁନା ଏବଂ ନଗଦ କୋଟିଏ ୫୭ ଲକ୍ଷ ଟଙ୍କା ସମେତ ଅନ୍ୟ ସଂପତ୍ତି ।

୧୭ କେଜିର ସୁନା ଜବତ
ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ସିବିଆଇ ପୂର୍ବତନ ରେଳ କର୍ମଚାରୀ ପ୍ରମୋଦ କୁମାର ଜେନାଙ୍କ ଘରେ ଚଢାଉ କରିଥିଲା । ଚଢାଉ ବେଳେ ଆଶ୍ଚର୍ଯ୍ୟ କଲା ପରି ସମ୍ପତ୍ତି ଜବତ କରିଛି ସିବିଆଇ । ତାଙ୍କ ଘରୁ ନଗଦ ଏକ କୋଟି ୫୭ ଲକ୍ଷ ଟଙ୍କା, ବ୍ୟାଙ୍କ ଓ ପୋଷ୍ଟାଲ ଜମା ୨ କୋଟି ୫୦ ଲକ୍ଷ ଟଙ୍କା ଓ ଅନେକ ଗୁରୁତ୍ୱପୂର୍ଣ୍ଣ କାଗଜ ପତ୍ର ମଧ୍ୟ ସିବିଆଇ ହାତରେ ଲାଗିଛି । ସେହିପରି ପ୍ରମୋଦ କୁମାର ଜେନାଙ୍କ ଘରୁ ୧୭ କେଜିର ସୁନା ଜବତ ହୋଇଛି ଯାହାର ମୂଲ୍ୟ ୮ କୋଟି ୫୦ ଲକ୍ଷ ବୋଲି ସୂଚନା ରହିଛି ।

ପ୍ରମୋଦ କୁମାର ଜେନା ୧୯୮୯ ମସିହାରେ ରେଲୱେରେ ଜଏନ କରିଥିଲେ ଏବଂ ୨୦୨୨ ମସିହାରେ ସେ ରେଲୱେର ପ୍ରିନିସିପାଲ ଚିଫ୍ ଅପରେସନ ମ୍ୟାନେଜର ପଦବୀରୁ ରିଟାଏଡ୍ ହୋଇଥିଲେ । ଭୁବନେଶ୍ୱର ସମେତ ଅନ୍ୟ ୬ଟି ସ୍ଥାନରେ ସିବିଆଇ ଚଢାଉ କରିଛି ।