ବିଶିଷ୍ଟ ସ୍ଥପତି ଓ ରାଜ୍ୟସଭା ସାଂସଦ ପଦ୍ମବିଭୂଷଣ ରଘୁନାଥ ମହାପାତ୍ରଙ୍କ ପରଲୋକ
ପଦ୍ମବିଭୂଷଣ ରଘୁନାଥ ମହାପାତ୍ରଙ୍କ ପରଲୋକ । ଏମ୍ସରେ ଚିକିତ୍ସାଧିନ ଅବସ୍ଥାରେ 78 ବର୍ଷ ବୟସରେ କରୋନାରେ ଦେହାନ୍ତ ।
ଭୁବନେଶ୍ୱର : ଅଧାରେ ରହିଗଲା ଦ୍ଵିତୀୟ କୋଣାର୍କର ପରିକଳ୍ପନା । ତାଙ୍କ ନିହାଣ ମୁନରେ ଜୀବନ୍ତ ହୋଇଉଠୁଥିଲା ମୂର୍ତ୍ତି । ଓଡିଶାର ବିଶିଷ୍ଟ ସ୍ଥପତି ତଥା ରାଜ୍ୟସଭା ସାଂସଦ ପଦ୍ମବିଭୂଷଣ ରଘୁନାଥ ମହାପାତ୍ରଙ୍କ କରୋନାରେ ପରଲୋକ ଘଟିଛି । ରବିବାର ଅପରାହ୍ନ 3ଟା 49ରେ ଭୁବନେଶ୍ଵର ଏମ୍ସରେ ଚିକିତ୍ସାଧୀନ ଅବସ୍ଥାରେ ପରଲୋକ ଘଟିଛି । ମୃତ୍ୟୁ ବେଳକୁ ତାଙ୍କୁ 78 ବର୍ଷ ବୟସ ହୋଇଥିଲା । ଏ ନେଇ ଭୁବନେଶ୍ଵର ଏମ୍ସ ନିର୍ଦ୍ଦେଶିକା ସୂଚନା ଦେଇଛନ୍ତି । କରୋନାରେ ଆକ୍ରାନ୍ତ ହୋଇ ଗତ 22 ତାରିଖରେ ଏମ୍ସରେ ସେ ଭର୍ତ୍ତି ହୋଇଥିଲେ । 1943 ମସିହା ମାର୍ଚ୍ଚ 24 ତାରିଖରେ ପୁରୀ ଜିଲ୍ଲାର ଶାସନପଡିଆ ଗାଁରେ ତାଙ୍କ ଜନ୍ମ ହୋଇଥିଲା । 1975 ମସିହାରେ ପଦ୍ମଶ୍ରୀ, 2001 ମସିହାରେ ପଦ୍ମଭୂଷଣ ଏବଂ 2013ରେ ପଦ୍ମବିଭୂଷଣ ସମ୍ମାନରେ ତାଙ୍କୁ ସମ୍ମାନିତ କରାଯାଇଥିଲା ।
Click it and Unblock the Notifications
Sign in with Google