ପାହାଡ଼ ଓ ଘଞ୍ଚ ଜଙ୍ଗଲରେ ୩ କିମି ଚାଲି ଚାଲି ପହଞ୍ଚାଇଲେ ସ୍ବାସ୍ଥ୍ୟ ସେବା
ରିଲ୍ ନୁହେଁ ରିଏଲ ଦମନ । ଉପାନ୍ତ ଅଞ୍ଚଳରେ ହେବ ମ୍ୟାଲେରିଆର ଦମନ । ଆଉ ସେଥିପାଇଁ ଘଞ୍ଚ ଜଙ୍ଗଲ, ଯେଉଁଠି ରାସ୍ତାଘାଟ ନାହିଁ ସେଠାରେ ପହଞ୍ଚିଲା ମେଡିକାଲ ଟିମ୍ । ନିଜେ ମେଡିସିନ ଓ ଅନ୍ୟାନ୍ୟ ଗୁରୁତ୍ଵପୂର୍ଣ୍ଣ ସାମଗ୍ରୀ ବୋହିଛନ୍ତି ଡାକ୍ତର ବାବୁ । ନବରଙ୍ଗପୁର ଝରିଗାଁ ବ୍ଲକରେ ଏହି ଘଟଣା ଦେଖିବାକୁ ମିଳିଛି ।
ଜିଲ୍ଲା ଝରିଗାଁ ବ୍ଳକର ଉପାନ୍ତ ଗ୍ରାମ ଗୁଡିକରେ ରାସ୍ତା ପକ୍ଷରୁ ରାସ୍ତା ନିର୍ମାଣ ହୋଇନଥିବା ବେଳେ ଗ୍ରାମବାସୀ ଏକ ପ୍ରକାର ବିଛିନ୍ନ ଅଞ୍ଚଳରେ ରହୁଛନ୍ତି । ବିଶେଷ କରି ବର୍ଷା ଦିନ ମାନଙ୍କରେ ରାସ୍ତା ନଥିବା ଗ୍ରାମ ଗୁଡିକରେ ସ୍ୱାସ୍ଥ୍ୟ ସେବା ପହଁଚି ପାରୁନି ।
ସୂଚନା ଅନୁସାରେ, ଝରିଗାଁ ବ୍ଳକରେ ଇନ୍ଦ୍ରଧନୁସ କାର୍ଯ୍ୟକ୍ରମ ଚାଲିଥିବା ବେଳେ ଝରିଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ପକ୍ଷରୁ ଏକ ସ୍ୱାସ୍ଥ୍ୟ ଟିମ ଝରିଗାଁ ବ୍ଲକ ଚକଲାପଦର ପଞ୍ଚାୟତ ଅନ୍ତର୍ଗତ ଜାମକୋଟ ଗ୍ରାମକୁ ସ୍ୱାସ୍ଥ୍ୟ ସେବା ଯୋଗାଇ ଦେବା ପାଇଁ ବାହାରିଥିଲେ ।
ଗ୍ରାମର ୩୦ ଜଣ ଲୋକ ମାନଙ୍କୁ ରକ୍ତ ନମୁନା ପରୀକ୍ଷା ହୋଇଥିଲା। ସେହିପରି ୪ ଜଣ ଗର୍ଭବତୀ ମହିଳାଙ୍କୁ ଦ୍ଵତୀୟ ଟୀକା ଦେବା ସହ ୩ ଜଣ ଶିଶୁଙ୍କୁ ଟୀକା କରଣ କରିବା ପରେ ପୁଣି ଥରେ ତିନି କିଲୋମିଟର ଦୂର ଚାଲି ଚାଲି ଭିତରକରମରି ଗ୍ରାମ ଆସି ଝରିଗାଁ ଫେରିଥିଲେ।
ସ୍ୱାସ୍ଥ୍ୟ ବିଭାଗ ଟିମ ପକ୍ଷରୁ ଡାକ୍ତର ସନ୍ତୋଷ ପ୍ରଧାନ,ଜାନକୀ ଟାକିରୀ, ପ୍ରିୟଙ୍କା ପୂଜାରୀ ଏବଂ ସ୍ଥାନୀୟ ଅଙ୍ଗନବାଡ଼ି କର୍ମୀ ଭିତରକରମରି ଗ୍ରାମ ଠାରୁ ପ୍ରାୟ ୩ କିଲୋମିଟର ପାଦ ଚଲା ରାସ୍ତାରେ ଯାଇ ଜାମକୋଟ ଗ୍ରାମରେ ପହଞ୍ଚି ସ୍ୱାସ୍ଥ୍ୟସେବା ଯୋଗାଇ ଥିଲେ ।
Click it and Unblock the Notifications
Sign in with Google