Ration Card: ରାଶନ କାର୍ଡରୁ କଟିଲେ ଏମାନଙ୍କ ନାଁ , ଏମିତି କରନ୍ତୁ ଚେକ୍‌

ଭାରତ ସରକାର ଦେଶର ଲୋକଙ୍କ ପାଇଁ ଅନେକ ଯୋଜନା କରୁଛନ୍ତି। ଦେଶର କୋଟି କୋଟି ଲୋକ ସରକାରଙ୍କ ବିଭିନ୍ନ ଯୋଜନାର ସୁବିଧା ପାଆନ୍ତି। ଭାରତରେ ଏପରି ଅନେକ ଲୋକ ଅଛନ୍ତି ଯେଉଁମାନେ ଦିନକୁ ଦୁଇ ଅଳି ଖାଇବାକୁ ପାଆନ୍ତି ନାହିଁ। ଭାରତ ସରକାର ଏଭଳି ଅଭାବୀ ଲୋକଙ୍କୁ ସାହାଯ୍ୟ କରନ୍ତି। ଭାରତ ସରକାର ଏଭଳି ଲୋକଙ୍କୁ ଖୁବ କମ ମୂଲ୍ୟରେ ରାଶନ ପ୍ରଦାନ କରୁଛନ୍ତି। ଏଥିପାଇଁ ସରକାର ଏହି ଲୋକଙ୍କୁ ରାଶନ କାର୍ଡ ମଧ୍ୟ ପ୍ରଦାନ କରୁଛନ୍ତି। ଯାହା ସାହାଯ୍ୟରେ ଲୋକମାନେ ସରକାରୀ ଯୋଜନାର ଲାଭ ପାଆନ୍ତି।

ରାଶନ କାର୍ଡ ପାଇବା ପାଇଁ ସରକାର କିଛି ଯୋଗ୍ୟତା ମାନଦଣ୍ଡ ସ୍ଥିର କରିଛନ୍ତି। ଯାହା ସମସ୍ତ ଲୋକଙ୍କୁ ସଂପୂର୍ଣ୍ଣ କରିବାକୁ ପଡିବ। ଯଦି କେହି ଏହି ଯୋଗ୍ୟତା ମାନଦଣ୍ଡ ପୂରଣ କରନ୍ତି ନାହିଁ । ତେଣୁ ତାଙ୍କର ରାଶନ କାର୍ଡ ହୋଇପାରେନାହିଁ। ନିୟମ ଅନୁଯାୟୀ, ଏହି ଲୋକଙ୍କ ନାମ ମଧ୍ୟ ରାଶନ କାର୍ଡରୁ କଟିଯାଏ। ସରକାର ସମସ୍ତ ରାଶନ କାର୍ଡଧାରୀଙ୍କ ପାଇଁ E-KYC କରିବା ବାଧ୍ୟତାମୂଳକ କରିଛନ୍ତି। ସମସ୍ତ ରାଶନ କାର୍ଡଧାରୀମାନେ ଇE-KYC କରିବା ଆବଶ୍ୟକ । ନଚେତ୍‌ କାର୍ଡଧାରୀଙ୍କ ନାମ ରାଶନ କାର୍ଡରୁ କଟିଯିବ। ଏଥିପାଇଁ ସରକାର ଡିସେମ୍ବର ୩୧, ୨୦୨୪କୁ ଶେଷ ତାରିଖ ଭାବରେ ସ୍ଥିର କରିଛନ୍ତି।

ଆପଣଙ୍କୁ କହିରଖୁଛୁ ଯେ ସରକାର ଏହି ସମୟସୀମାକୁ ଦୁଇଥର ବଢାଇ ସାରିଛନ୍ତି। ବର୍ତ୍ତମାନ ଯେଉଁମାନେ ୩୦ ଡିସେମ୍ବର ସୁଦ୍ଧା ସେମାନଙ୍କର KYC କରିନାହାଁନ୍ତି, ସେମାନଙ୍କ ନାମ ରାସନ କାର୍ଡରୁ ହଟାଯିବ।