କେଉଁ ରାସ୍ତା ଦେଇ ଯିବେ ପୁରୀ, ପୋଲିସ ଜାରି କଲା ରୁଟ୍ ମ୍ୟାପ୍

Published: Sunday, July 7, 2024, 7:54 [IST]

Ratha Yatra: ଆଜି ବିଶ୍ୱ ପ୍ରସିଦ୍ଧ ରଥଯାତ୍ରା ପାଇଁ ପୁରୀରେ ନାହିଁନଥିବା ଭଡ଼ । ଶ୍ରଦ୍ଧାଳୁଙ୍କ ଭଡ଼କୁ ନଜରରେ ରଖି ଶୃଙ୍ଖଳିତ ଦର୍ଶନ ପାଇଁ ଟ୍ରାଫିକ୍ କଟକଣା ଜାରି କରାଯାଇଛି । ରାଜ୍ୟ ବାହାରୁ ଆସୁଥିବା ବସ୍ ମାଳତୀପାଟପୁର ବସଷ୍ଟାଣ୍ତରେ ପାର୍କିଂ କରାଯିବ । ସେହିପରି ଭୁବନେଶ୍ୱର, କୋଣାର୍କରୁ ଆସୁଥିବା ବସ୍ ତାଳବଣିଆଠାରେ ଆସ୍ଥାୟୀ ବସଷ୍ଟାଣ୍ତରେ ପାର୍କିଂ ହେବ ଏବଂ ସମାନ ରାସ୍ତା ଦେଇ ଫେରିବ । ସେହିପରି ଭୁବନେଶ୍ୱରରୁ ଆସୁଥିବା ୪ ଚକିଆ ଯାନ ତାଳବଣିଆ ଇନଡୋର ଷ୍ଟାଡିୟମ, ଆଇଟିଆଇ ପଡ଼ିଆ ଏବଂ ହେଲିପ୍ୟାଡ ପାର୍କିଂରେ ପାର୍କ କରାଯିବା ନେଇ ସୂଚନା ଜାରି କରାଯାଇଛି ।

ଅନ୍ୟପକ୍ଷରେ ବ୍ରହ୍ମଗିରି ଆଡୁ ଆସୁଛିବା ବସ୍ ମଙ୍ଗଳାଘାଟ ବାଇପାସ ଦେଇ ଚଳାବଣିଆରେ ଯିବ ଏବଂ ୪ ଚକିଆ ଗାଡ଼ି ସୁମୁଦ୍ରକୂଳ ଯାତ୍ରୀକା ପ୍ୟାଲେସ ଓ ନୋଳଇଆ ଫିଲ୍ଡ ପାର୍କିଂରେ ପାର୍କ କରାଯିବ । ସେହିପରି ଭୁବନେଶ୍ୱରରୁ ଆସୁଥିବା ବାଇକ୍, ସ୍କୁଟି ଜଗନ୍ନାଥ ବଲ୍ଲଭ, ଜେଲ୍ ରୋଡ୍, ମାଟିତୋଟା ଫିଲ୍ଡଠାରେ ପାର୍କିଂ କରାଯିବାର ବ୍ୟବସ୍ଥା କରାଯାଇଛି । କୋଣାର୍କରୁ ଆସୁଥିବା ୨ ଚକିଆ ଯାନଗୁ଼ଡିକ ବ୍ଲୁ ଫ୍ଲାଗ୍ ବିଚ୍, ହୋଟେଲ ନିଳାଚଳ ଅଶୋକ, ହୋଟେଲ ହଲିଡେ ରିସୋର୍ଟ ପଛରେ ପାର୍କିଂ କରାଯିବାର ବ୍ୟବସ୍ଥା କରାଯାଇଛି ।

Published On July 7, 2024