ଘୋଷଯାତ୍ରା 2022: ସ୍ନାନ ଯାତ୍ରା ପାଇଁ ପ୍ରସ୍ତୁତ ନୀତି ନିର୍ଘଣ୍ଟ

ଆସନ୍ତାକାଲି ପବିତ୍ର ଦେବସ୍ନାନ ପୂର୍ଣ୍ଣିମା । ଏନେଇ ନୀତି ନିର୍ଘଣ୍ଟ ପ୍ରସ୍ତୁତ ହୋଇ ସାରିଛି । କରୋନା ମହାମାରୀର ଦୀର୍ଘ ଦୁଇବର୍ଷ ପରେ ଭକ୍ତଙ୍କ ଗହଣରେ ହେବ ମହାପ୍ରଭୁଙ୍କ ପବିତ୍ର ଦେବସ୍ନାନ ପୂର୍ଣ୍ଣିମା । 3 ଘଣ୍ଟା ପାଇଁ ସ୍ନାନ ମଣ୍ଡପରେ ଭାଇ ଭଉଣୀଙ୍କ ସହ ଭକ୍ତଙ

ପୁରୀ: ଆସନ୍ତାକାଲି ପବିତ୍ର ଦେବସ୍ନାନ ପୂର୍ଣ୍ଣିମା । ଏନେଇ ନୀତି ନିର୍ଘଣ୍ଟ ପ୍ରସ୍ତୁତ ହୋଇ ସାରିଛି । କରୋନା ମହାମାରୀର ଦୀର୍ଘ ଦୁଇବର୍ଷ ପରେ ଭକ୍ତଙ୍କ ଗହଣରେ ହେବ ମହାପ୍ରଭୁଙ୍କ ପବିତ୍ର ଦେବସ୍ନାନ ପୂର୍ଣ୍ଣିମା । 3 ଘଣ୍ଟା ପାଇଁ ସ୍ନାନ ମଣ୍ଡପରେ ଭାଇ ଭଉଣୀଙ୍କ ସହ ଭକ୍ତଙ୍କୁ ଦର୍ଶନ ଦେବେ ମହାପ୍ରଭୁ।

ଦେବସ୍ନାନ ପୂର୍ଣ୍ଣିମା ପାଇଁ ଶ୍ରୀମନ୍ଦିର ପ୍ରଶାସନ, ସେବାୟତ, ଜିଲ୍ଲା ପୋଲିସ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଛି । ସ୍ନାନ ପୂର୍ଣ୍ଣିମା ଦିନ ମଙ୍ଗଳାର୍ପଣ, ଡୋରଲାଗି ଓ ପୁଷ୍ପାଞ୍ଜଳି ପରେ ପହଣ୍ଡି ଆରମ୍ଭ ହେବ । ଏଥର ଭକ୍ତଙ୍କ ଗହଣରେ ଦେବସ୍ନାନ ପୂର୍ଣ୍ଣିମା ଅନୁଷ୍ଠିତ ହେବାକୁ ଯାଉଥିବାରୁ ଦ୍ବିଗୁଣା ଭକ୍ତଙ୍କ ସମାଗମ ହେବାର ସମ୍ଭାବନା ରହିଛି ।

ଆସନ୍ତାକାଲି ଭୋର 4ଟାରେ ପହଣ୍ଡି ଆରମ୍ଭ ହୋଇ 6ଟାରେ ଶେଷ ହେବ । ସକାଳ 9.30 ରୁ 11.30 ମଧ୍ୟରେ ଜଳ ବିଜେ ଓ ପୂଜା ହୋଇ12.15ରେ ଛେରା ପହଁରା ଓ 12.30ରୁ 2.30 ମଧ୍ୟରେ ହାତୀବେଶ ଶେଷ କରାଯିବ । ସକାଳେ ପରିମାଣିକ ଟିକେଟ ମାଧ୍ୟମରେ ଦର୍ଶନ ବ୍ୟବସ୍ଥା କରାଯିବ । ଭକ୍ତମାନେ ବଡ଼ଦାଣ୍ଡରୁ ଜଳଲାଗି ଓ ହାତୀବେଶ ପରେ ତିନି ଘଣ୍ଟା ସ୍ନାନ ମଣ୍ଡପ ଉପରେ ମହାପ୍ରଭୁଙ୍କୁ ଦେଖିବେ ଭକ୍ତ।

ନୀତି ନିର୍ଘଣ୍ଟ

ମଙ୍ଗଳାର୍ପଣ - ରାତ୍ର 3..30
ଡୋର ଲାଗି ଓ ପୁଷ୍ପାଞ୍ଜଳି ପରେ ପହଣ୍ଡି ଆରମ୍ଭ- 4ଟାରୁ 6ଟା
ମଙ୍ଗଳ ଆଳତୀ - 6.30
ମଇଲମ- 6.40
ତଡପଲାଗି-7.00
ଅଧରପୋଛା- 7.30
ଅବକାଶ- 8.00.
ବେଶ ଶେଷ - 8.30
ରୋଷ ହୋମ - 8.40
ସୂର୍ଯ୍ୟ ପୂଜା - 9.00
ଦ୍ଵାରପାଳ ପୂଜା - 9.10

ଜଳବିଜେ, ପୂଜା, ସ୍ନାନ - 9.30 ରୁ 11.30
ମଇଲମ, ମେକାପ ସର୍ବାଙ୍ଗ, ନୂଆ ଲୁଗା ଲାଗି ବେଶ - 12.00
ଛେରା ପହଁରା - 12.15
ହାତୀବେଶ - 12.30ରୁ 2.30
ମହନ୍ତ ଶାଢ଼ୀବନ୍ଧା - 3.15
ଘଣ୍ଟଛତା ସକାଳ ଧୂପ - 3.30 ରୁ 5.00
ଦକ୍ଷିଣିଘର ଭୋଗ- 5.30
ସାହାଣମେଲା - ସନ୍ଧ୍ୟା 6 ରୁ 9.30
ପୁଷ୍ପାଞ୍ଜଳି ଓ ଡୋରଲାଗି- 10.00
ବାହୁଡା ପହଣ୍ଡି - 10ରୁ 1ଟା
ସୁନା ଚିତା ଓ ରାହୁ ରେଖା ମଇଲମ- 1.30

English summary

Niti Nirghanta released for Snana yatra . on the occasion of Rath yatra 2022.