ସାଂସଦ ଅନୁଭବ ମହାନ୍ତିଙ୍କ ଘରେ ରେଡ୍, ବିବାଦରେ ଭାଇ ଅନୁପ୍ରାସ୍

Updated: Wednesday, March 13, 2024, 16:21 [IST]

Anuprash Mohanty: କେନ୍ଦ୍ରାପଡ଼ା ସାଂସଦ ତଥା ଅଭିନେତା ଅନୁଭବ ମହାନ୍ତିଙ୍କ ଘରେ ରେଡ୍ । ଅନୁଭବଙ୍କ ଭାଇ ଅନୁପ୍ରାସ ମହାନ୍ତି କଟକ ଗଣ୍ତରପୁର ଅର୍ବାନ କୋପରଟିଭ୍ ବ୍ୟାଙ୍କରୁ ଋଣ ନେଇ ସୁଝିନପାରିବାରୁ ଆଜି କଟକ ଖାନନଗର ସ୍ଥିତ ଅନୁପ୍ରସାଙ୍କ ଘରେ ପହଞ୍ଚିଛି ବ୍ୟାଙ୍କ ରିକଭରି ଟିମ୍ ।

ସୂଚନା ଅନୁସାରେ, ଅନୁଭବଙ୍କ ଭାଇ ଅନୁପ୍ରାସ ମହାନ୍ତି ଗଣ୍ତରପୁର ଅର୍ବାନ କୋପରଟିଭ୍ ବ୍ୟାଙ୍କରୁ ଋଣ ଆଣିଥିଲେ । ହେଲେ ସଠିକ୍ ସମୟରେ ସେ ଏହାକୁ ସୁଝି ପାରି ନଥିଲେ । ଏନେଇ ଅନୁପ୍ରାସଙ୍କୁ ପୂର୍ବରୁ ନୋଟିସ୍ ମଧ୍ୟ ପଠାଯାଇଥିଲା । ହେଲେ ସେ ଏହାକୁ ଅଣଦେଖା କରିଥିଲେ । ଯାହା ପରେ ଆଜି ଖାନନଗର ସ୍ଥିତ ଭଡ଼ା ଘରେ ବ୍ୟାଙ୍କ ପକ୍ଷରୁ ଚଢାଉ କରାଯାଇଛି ।

ତେବେ ବ୍ୟାଙ୍କ ଅଧିକାରୀଙ୍କ ପକ୍ଷରୁ ଜାରି କରାଯାଇଥିବା ସୂଚନା ଅନୁସାରେ, ଅନୁପ୍ରାସ ମହାନ୍ତି ଉକ୍ତ ବ୍ୟାଙ୍କରୁ ଋଣ ନେଇଛନ୍ତି ହେଲେ ଏହାକୁ ସଠିକ୍ ସମୟରେ ସେ ସୁଝିପାରି ନାହାଁନ୍ତି । ବ୍ୟକ୍ତିଗତ କାରଣ ଯୋଗୁ ସେ ଏହି ଋଣ ସୁଝି ପାରି ନାହାଁନ୍ତି ବୋଲି କୁହାଯାଉଛି । ତେବେ ସେ ବ୍ୟାଙ୍କରୁ କେତେ ଟଙ୍କା ଋଣ ନେଉଛନ୍ତି ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇ ନାହିଁ ।