ଶ୍ରୀମନ୍ଦିର ପାଇଁ 154 କୋଟିର ବଜେଟ : ରାଜ୍ୟ ସରକାର ନେବେ ଶ୍ରୀଜିଉଙ୍କ ଦର୍ଶନ ନିଷ୍ପତି

ଶ୍ରୀମନ୍ଦିରର ଆୟ ବଢାଇବା ପାଇଁ ଅନଲାଇନ ଡୋନେସନର ବ୍ୟବସ୍ଥା କରାଯିବ । 2020-21 ଆର୍ଥିକ ବର୍ଷ ପାଇଁ ଶ୍ରୀମନ୍ଦିରର 154 କୋଟି ଟଙ୍କାର ବଜେଟ୍କୁ ମଞ୍ଜୁରୀ ପ୍ରଦାନ କରାଯାଇଛି ।

ପୁରୀ : ଶ୍ରୀମନ୍ଦିରର ଆୟ ବଢାଇବା ପାଇଁ ଅନଲାଇନ ଡୋନେସନର ବ୍ୟବସ୍ଥା କରାଯିବ । 2020-21 ଆର୍ଥିକ ବର୍ଷ ପାଇଁ ଶ୍ରୀମନ୍ଦିରର 154 କୋଟି ଟଙ୍କାର ବଜେଟ୍କୁ ମଞ୍ଜୁରୀ ପ୍ରଦାନ କରାଯାଇଛି । ଆଜି ପୁରୀରେ ଗଜପତିଙ୍କ ଅଧ୍ୟକ୍ଷତାରେ ଶ୍ରୀମନ୍ଦିର ପରିଚାଳନା କମିଟିର ବୈଠକ ବସିଥିଲା । ଏହି ବୈଠକର ଶେଷରେ ଏସମ୍ପର୍କରେ ସୂଚନା ମିଳିଛି । ଅନେକ ଗୁରୁତ୍ୱପୂର୍ଣ୍ଣ ବିଷୟରେ ବୈଠକରେ ଆଲୋଚନା ହୋଇଥିବା ବେଳେ ଡିସେମ୍ବର 3ୟ ସପ୍ତାହ ସୁଦ୍ଧା ମନ୍ଦିର ଖୋଲିବା ନେଇ ପ୍ରଶାସନ ପ୍ରସ୍ତୁତ ହୋଇଯିବ । ହେଲେ ସରକାରଙ୍କ ନିଷ୍ପତି ପରେ ଶ୍ରଦ୍ଧାଳୁଙ୍କ ପାଇଁ ମନ୍ଦିର ଖୋଲାଯିବ ବୋଲି କହିଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ କିଷନ କୁମାର । ତେବେ ଏହା ପୂର୍ବରୁ ଏନେଇ ତିନି ଜଣଙ୍କ ସହ ଆଲୋଚନା କରାଯିବ ।

ଆଲୋଚନା ପାଇଁ କମିଟି ଗଠନ କରାଯାଇଛି । ଏହି କମିଟିରେ ପ୍ରଥମରେ ଜିଲ୍ଲାପାଳ, ଏସପି, ଶ୍ରୀମନ୍ଦିର ପ୍ରଶାସକ ଓ ଅନ୍ୟ ପ୍ରଶାସନିକ ସ୍ତରରେ ଅଧିକାରୀ ରହିବେ । ଏହି କମିଟି ଆଲୋଚନା କରି ନିଷ୍ପତି ନେବେ କେବେ କେଉଁ ସମୟରେ କାହାକୁ ଦର୍ଶନ ପାଇଁ ଛଡାଯିବ । ଦ୍ୱିତୀୟରେ ଛତିଶାନିଯୋଗ ସହ ଆଲୋଚନା ହେବ । ଦର୍ଶନ ଖୋଲିବା ସମୟରେ ସେମାନଙ୍କର ଆବଶ୍ୟକ ପଡିବ । ତେଣୁ ସେମାନଙ୍କର ସହଯୋଗ ନିଆଯିବ । ତୃତୀୟ ରାଜ୍ୟସରକାରଙ୍କ ସହ ଆଳୋଚନା ହେବ । ମନ୍ଦିର ଖୋଲିବା ନେଇ ସାଧାରଣ ଲୋକଙ୍କ ସ୍ୱାସ୍ଥ୍ୟକୁ ନଜରରେ ରଖି ନିଷ୍ପତି ନିଆଯିବ । ମନ୍ଦିର ପ୍ରଶାସନ ମନ୍ଦିର ଖୋଲିବା ନେଇ ଡିସେମ୍ବର 3ୟ ସପ୍ତାହ ସୁଦ୍ଧା ପ୍ରସ୍ତୁତ ହୋଇଯିବ ବୋଲି ସେ କହିଛନ୍ତି ।

English summary

The Srimandir temple management committee today approved an annual budget of Rs 154 crore for 2020-21 financial year