ପୁରୀ ହାଜତ ମୃତ୍ୟୁ ମାମଲା: ବଦଳିଲେ ଏସପି ଅଖିଳେଶ୍ୱର ସିଂ
ବଦଳିଲେ ପୁରୀ ଏସପି ଅଖିଳେଶ୍ୱର ସିଂ । ପୁରୀ ହାଜତ ମୃତ୍ୟୁ ଘଟଣାରେ ଏହି ବଦଳି ହୋଇଥିବା କୁହଯାଇଛି ।
ଭୁବନେଶ୍ୱର: ବଦଳିଲେ ପୁରୀ ଏସପି ଅଖିଳେଶ୍ୱର ସିଂ । ପୁରୀ ହାଜତ ମୃତ୍ୟୁ ଘଟଣାରେ ଏହି ବଦଳି ହୋଇଥିବା କୁହଯାଇଛି । ତେବେ ଅଖିଳେଶ୍ବରଙ୍କୁ ବଦଳି କରାଯାଇ ହେଡକ୍ୱାର୍ଟର ଏସପି ଭାବେ ଅବସ୍ଥାପିତ କରାଯାଇ ଥିବାବେଳେ ସମ୍ବଲପୁର ଏସପି କେ. ବିଶାଳ ସିଂ ତାଙ୍କ ସ୍ଥାନରେ ଦାୟୀତ୍ବ ଗ୍ରହଣ କରିବେ ।
ତେବେ ଆଜି ବିଜେପି ଏହି ପ୍ରସଙ୍ଗରେ ଉଭୟ ଜାତୀୟ ମାନବାଧିକାର କମିଶନ ଓ ରାଜ୍ୟ ମାନବାଧିକାର କମିଶନଙ୍କୁ ଫେରାଦ ହୋଇଥିଲା । ଅନ୍ୟପଟେ ବିଭିନ୍ନ ମହଲରୁ ଚାପ ପଡ଼ିବାରୁ ଅଖିଳେଶ୍ବରଙ୍କୁ ବଦଳି କରାଯାଇଥିବା ଚର୍ଚ୍ଚା ହେଉଛି ।
ସୂଚନାଯୋଗ୍ୟ, ଗତକାଲି ପୁରୀ ହାଜତ ମୃତ୍ୟୁ ଘଟଣାରେ ସାରା ଓଡିଶାରେ ଚର୍ଚ୍ଚାର କେନ୍ଦ୍ର ବିନ୍ଦୁ ପାଲଟିଥିଲା । ପୁରୀରେ ୩୦ବର୍ଷୀୟ ଯୁବକ କେ. ରମେଶଙ୍କ ହାଜତରେ ମୃତ୍ୟୁ ହେବାପରେ ତାଙ୍କ ପରିବାରର ଅଜାଣତରେ ପୋଲିସ ଶବଦାହ କରିଦେଇଥିଲା। ଯାହାକୁ ନେଇ ଗତକାଲି ପୁରୀରେ ତୀବ୍ର ଉତ୍ତେଜନା ଦେଖାଦେଇଥିଲା।
Click it and Unblock the Notifications
Sign in with Google