ଆସିଲ ଶ୍ରୀମନ୍ଦିର ଦର୍ଶନ ଏସଓପି: ପୁରୀବାସୀଙ୍କ ପାଇଁ କେବଳ ଆଧାରକାର୍ଡ, ବାହାର ଲୋକଙ୍କ ପାଇଁ ଡବଲ ଡୋଜ୍ ଟିକା ବାଧ୍ୟତାମୂଳକ
ଶ୍ରୀମନ୍ଦିରରେ ସାଧାରଣ ଦର୍ଶନ ପାଇଁ ଆସିଲା ଏସଓପି । ସକାଳ ୭ରୁ ସନ୍ଧ୍ୟା ୭ଟା ଯାଏଁ ମହାପ୍ରଭୁଙ୍କ ଦର୍ଶନ କରିବେ ଭକ୍ତ । ତେବେ ଶ୍ରୀମନ୍ଦିର ପ୍ରଶାସନ ପକ୍ଷରୁ ଜାରି ହୋଇଥିବା ଏସ୍ଓପି ଅନୁଯାଇ ।
ଭୁବନେଶ୍ବର: ଶ୍ରୀମନ୍ଦିରରେ ସାଧାରଣ ଦର୍ଶନ ପାଇଁ ଆସିଲା ଏସଓପି । ସକାଳ ୭ରୁ ସନ୍ଧ୍ୟା ୭ଟା ଯାଏଁ ମହାପ୍ରଭୁଙ୍କ ଦର୍ଶନ କରିବେ ଭକ୍ତ । ତେବେ ଶ୍ରୀମନ୍ଦିର ପ୍ରଶାସନ ପକ୍ଷରୁ ଜାରି ହୋଇଥିବା ଏସ୍ଓପି ଅନୁଯାଇ । ପ୍ରଥମେ ମହାପ୍ରଭୁଙ୍କ ଦର୍ଶନର ଲାଭ ଉଠାଇ ପାରୁଥିବା ପୁରୀବାସୀଙ୍କ ପାଇଁ କେବଳ ଅଧାରକାର୍ଡ କିମ୍ବା ଭୋଟର କାର୍ଡ ଜରୁରୀ । ମାତ୍ର ବାହାର ଲୋକଙ୍କ ପାଇଁ ୬ ଘଣ୍ଟା ପୂର୍ବର ଆରଟିପିସିଆର ରିପୋର୍ଟ କିମ୍ବା ଦୁଇଟି ଡୋଜ ଟିକା ନେଇଥିବାର ପ୍ରମାଣ ପତ୍ର ବାଧ୍ୟତାମୂଳକ ।
କରୋନାର ଦ୍ୱିତୀୟ ଲହର ଯୋଗୁ ଦୀର୍ଘଦିନ ଧରି ବନ୍ଦ ରହିଥିବା ବେଳେ ଆସନ୍ତା ୨୩ ତାରିଖରୁ ସର୍ବସାଧାରଣଙ୍କ ନିମନ୍ତେ ମନ୍ଦିର ଖୋଲାଯାଉଛି। ତେବେ ପ୍ରଥମେ ଅଗଷ୍ଟ ୧୨ ଓ ୧୩ରୁ ସେବାୟତଙ୍କ ପରିବାର ଲୋକ ମହାପ୍ରଭୁଙ୍କ ଦର୍ଶନ କରିବେ । ପରେ ୧୬ରୁ ୨୦ ତାରିଖ ମଧ୍ୟରେ ପୁରୀବାସୀଙ୍କୁ ଦର୍ଶନ ପାଇଁ ସୁଯୋଗ ମିଳିବ। ପରି ଶେଷରେ ୨୩ ତାରିଖରୁ ସର୍ବସାଧାରଣଙ୍କ ଦର୍ଶନ ପାଇଁ ପୁରୀ ଶ୍ରୀମନ୍ଦିର ଖୋଲିବ ।
ତେବେ ସମସ୍ତ ଶନିବାର ଓ ରବିବାର ଭକ୍ତଙ୍କ ପାଇଁ ଦର୍ଶନ ବନ୍ଦ ରହିବ ଓ ପୂରା ମନ୍ଦିରକୁ ସାନିଟାଇଜ କରାଯିବ । ସେହିଭଳି ଗହଳିକୁ ଏଡାଇବାକୁ ଅଗଷ୍ଟ ଓ ସେପ୍ଟେମ୍ବରରେ ହେବାକୁ ଥିବା ବିଭିନ୍ନ ପୂଜା ପର୍ବାଣିରେ ଭକ୍ତଙ୍କ ପାଇଁ ମନ୍ଦିର ବନ୍ଦ ରହିବ ।
କିନ୍ତୁ ମନ୍ଦିର ପ୍ରବେଶକୁ ନେଇ ଜାରି କରାଯାଇଥିବା ଭିନ୍ନ ନିୟମକୁ ନେଇ ଉଠିଛି ପ୍ରଶ୍ନ।
Click it and Unblock the Notifications
Sign in with Google