ଭକ୍ତକୁ ଦର୍ଶନ ଦେବ ଜଗା : ଡିସେମ୍ବର ଶେଷ ସପ୍ତାହକୁ ମନ୍ଦିର ଖୋଲିବା ନେଇ ହେବ ସୁପାରିଶ, ପୁରୀବାସୀ ପ୍ରଥମେ କରିବେ ଦର୍ଶନ

ଡିସେମ୍ବର 22 ତାରିଖରୁ ମନ୍ଦିର ଖୋଲାଯିବ । ପୁରୀ ଶ୍ରୀମନ୍ଦିର ସାଧାରଣ ଲୋକଙ୍କ ପାଇଁ ଖୋଲିବାକୁ ସୁପାରିଶ କରିବ ମନ୍ଦିର ପ୍ରଶାସନ ।

ପୁରୀ : ଦୀର୍ଘ ନଅ ମାସ ଧରି ଯାହାର ପ୍ରତୀକ୍ଷା କରାଯାଇଥିଲା ତାହା ଅନ୍ତ ହୋଇଛି । ଭକ୍ତଙ୍କୁ ସିଧାସଳଖ ଦର୍ଶନ ଦେବେ ମହାପ୍ରଭୁ । ପୁରୀ ଶ୍ରୀମନ୍ଦିର ସାଧାରଣ ଲୋକଙ୍କ ପାଇଁ ଖୋଲିବାକୁ ସୁପାରିଶ କରିବ ମନ୍ଦିର ପ୍ରଶାସନ । ଆଜି ଛତିଶା ନିଯୋଗ ବୈଠକରେ ହୋଇଥିବା ଆଲୋଚନାରେ ଏହି ନିଷ୍ପତ୍ତି ନିଆଯାଇଥିବା ଜଣାପଡିଛି । ମନ୍ଦିର ଖୋଲିବା ନେଇ ଗଣମାଧ୍ୟମକୁ କହିଛନ୍ତି ମୁଖ୍ୟ ପ୍ରଶାସକ । ଡିସେମ୍ବର ଶେଷ ସପ୍ତାହରେ ଶ୍ରୀମନ୍ଦିର ଖୋଲିବା ନେଇ ରାଜ୍ୟ ସରକାରଙ୍କୁ ସୁପାରିଶ କରାଯିବ । ଡିସେମ୍ବର 22 ତାରିଖରୁ ମନ୍ଦିର ଖୋଲାଯିବ । ପ୍ରଥମେ ପୁରୀ ଜିଲ୍ଲାବାସୀଙ୍କୁ ଦର୍ଶନ ପାଇଁ ଅନୁମତି ଦିଆଯିବ ।

ଭକ୍ତଙ୍କ ପାଇଁ କ'ଣ ରହିବ ଗାଇଡଲାଇନ୍ ?

ସେହିପରି ଜାନୁଆରୀ 3 ତାରିଖ ପରେ ପୁରୀ ବାହାରୁ ଲୋକ ଦର୍ଶନ କରି ପାରିବେ । ତେବେ ଦର୍ଶନ କରିବାକୁ ଆସୁଥିବା ସମସ୍ତ ଭକ୍ତ କୋଭିଡ୍ ନେଗେଟିଭ୍ ରିପୋର୍ଟ ଆଣିବା ବାଧ୍ୟତାମୂଳକ । ତେବେ ନୂଆବର୍ଷକୁ ଆଖି ଆଗରେ ରଖି ଜାନୁଆରୀ 1 ତାରିଖ ଓ 2 ତାରିଖ ମନ୍ଦିର ବନ୍ଦ ରହିବ । ସରକାରଙ୍କ ନିଷ୍ପତି ଆସିବା ପରେ ଦର୍ଶନ ନେଇ ଏସଓପି ପ୍ରସ୍ତୁତ ହେବ । ମନ୍ଦିର ଭିତରକୁ ପ୍ରବେଶ କରିବା ପାଇଁ ମାସ୍କ ଓ ସାନିଟାଇଜର୍ ବାଧ୍ୟତାମୂଳକ କରାଯିବ । 65 ବର୍ଷରୁ ଅଧିକ ଓ 10 ବର୍ଷରୁ କମ୍ ପିଲାଙ୍କୁ ଦର୍ଶନ ପାଇଂ ଅନୁମିତ ମିଳିବ ନାହିଁ । ପ୍ରଥମ ପର୍ଯ୍ୟାୟରେ ପାଞ୍ଚ ହଜାର ଭକ୍ତଙ୍କୁ ଦର୍ଶନ ପାଇଁ ଅନୁମତି ମିଳିବ ବୋଲି ଆଜି ଛତିଶା ନିଯୋଗ ବୈଠକରେ ଆଲୋଚନା ହୋଇଛି ।

English summary

Puri Jagannath Temple Open on December Last