ଜନ୍ମ ଦେବୀରେ ନୀଳାଖେଳା ସାରି ବାହୁଡ଼ି ଯାଉଛନ୍ତି ମହାବାହୁ

Published: Wednesday, June 28, 2023, 14:52 [IST]

ପୁରୀ: ବାଜିଲା ଘଣ୍ଟ । ଡାହୁକ ଦେଲା ଡାକ । ଗଡିଲା ନନ୍ଦିଘୋଷ । ଜନ୍ମ ଦେବୀରେ ଲିଳାଖେଳା ସାରି ରତ୍ନବେଦୀକୁ ବାହୁଡ଼ି ଯାଉଛନ୍ତି ମହାବାହୁ ।

ପ୍ରଥମେ ତାଳଧ୍ୱଜ ରଥ ମଝିରେ ହଳଦୀ ମୁହିଁ ମା ଶୁଭଦ୍ରା ଓ ଶେଷରେ ଯାଉଛନ୍ତି ନିଜେ ମହାପ୍ରଭୁ । ନିର୍ଦ୍ଧାରିତ ସମୟର ବହୁ ପୂର୍ବରୁ ଆରମ୍ଭ ହୋଇଛି ରଥ ଟଣା । ପ୍ରଶାସନ ଠାରୁ ଆରମ୍ଭ କରି ସେବାୟତ ଯାଏଁ, ସମସ୍ତେ ରଥକୁ ଟାଣିଟାଣି ବଡ଼ ଦାଣ୍ଡକୁ ନେଇଯାଉଛନ୍ତି ।

ତେବେ ବାହୁଡା ଯାତ୍ରାର ନିର୍ଘଣ୍ଟ ନୀତି ଅନୁଯାୟୀ ସକାଳ ଆଠଟାରୁ ଆରମ୍ଭ ହୋଇଥିଲା ପହଣ୍ଡି ଯାତ୍ରା । ପରମ୍ପରା ଅନୁଯାୟୀ ସମସ୍ତ ନୀତି ସୁଙ୍ଖଳିତ ଭାବେ ଶେଷ ହୋଇଛି । ତେବେ ନିର୍ଦ୍ଧାରିତ ସମୟ ପୂର୍ବରୁ ବଡ ଠାକୁର ଶ୍ରୀବଳଭଦ୍ରଙ୍କ ରଥ ତାଳଧ୍ୱଜ ରଥ ପ୍ରଥମେ ଟଣା ହୋଇଥିଲା ବେଳେ ପଛେ ପଛେ ଗଡି ଚାଲିଛି ହଳଦୀମୁହିଁ ଦେବୀ ସୁଭଦ୍ରାଙ୍କ ଦେବଦଳନ ରଥ । ପୂର୍ବରୁ ସ୍ଥିରୀକୃତ ହୋଇଥିବା ସମୟରେ ରଥଟଣା ଆରମ୍ଭ ହୋଇଥାନ୍ତା । କିନ୍ତୁ ମହାପ୍ରଭୁ ଶ୍ରୀଜଗନ୍ନାଥଙ୍କ କୃପାରୁ ସବୁ ନୀତିକାନ୍ତି ନିର୍ଦ୍ଧାରିତ ସମୟ ପୂର୍ବରୁ ଶୃଙ୍ଖଳିତ ଭାବେ ଶେଷ ହୋଇ ରଥଟଣା ଆରମ୍ଭ ହୋଇଥିଲା ।

Published On June 28, 2023