ବଢିଲା ହରଡ଼ ଡାଲି ଦର, କ୍ଵିଣ୍ଟାଲ ପିଛା ୫୦୦ ଟଙ୍କା ବୃଦ୍ଧି

Updated: Tuesday, May 16, 2023, 15:05 [IST]

ଭୁବନେଶ୍ୱର: ବଢିଲା ହରଡ଼ ଡାଲି ଦର । କ୍ଵିଣ୍ଟାଲ ପିଛା ୫୦୦ ଟଙ୍କା ବଢିଲା ହରଡ଼ ଡାଲି ଦର ।

ତେବେ ଏହି ଦର ବୃଦ୍ଧିକୁ ନିନ୍ଦା କରିଛି ରାଜ୍ୟ ବ୍ୟବସାୟୀ ମହାସଂଘ। ଓଡ଼ିଶା ବଜାରରେ ହରଡ଼ ଡାଲିର ପାଇକରି ଦର କିଲୋ ପିଛା ୧୧୦ ଟଙ୍କାରୁ ୧୨୮ ଟଙ୍କା ବିକ୍ରି ହେଉଥିଲା । ପୂର୍ବରୁ କିଲୋ ପିଛା ପାଇକରୀ ଦର ଥିଲା ୯୫ ଟଙ୍କାରୁ ୧୧୦ ଟଙ୍କା । ଚଳିତ ବର୍ଷ ହରଡ଼ ଡାଲି ଉତ୍ପାଦନ ୧୦ ପ୍ରତିଶତ କମ୍ ହୋଇଛି । ଏହାର ସୁଯୋଗ ନେଇ ଅସାଧୁ ଭାବେ କର୍ପୋରେଟ ମଲ୍ ମଲିକ ଡାଲି ହୋର୍ଡିଂ କରୁଛନ୍ତି ।

ସେମାନଙ୍କ ଉପରେ କିଛିବି ଅଙ୍କୁଶ ଲଗାଉ ନାହାନ୍ତି କେନ୍ଦ୍ର ସରକାର। ଫଳରେ ଅହେଉତୁକ ୧୫ ଦିନ ଭିତରେ ଡାଲି ଦର ବଢ଼ିଚାଲିଛି। ମାତ୍ର ୧୦ ପ୍ରତିଶତ ଉତ୍ପାଦନ କମ୍ ପାଇଁ ଦର ବୃଦ୍ଧି ଆବଶ୍ୟକତା ବା ଥିଲା ।

ତେବେ ଡାଲିର ମୁଦ୍ରାସ୍ଫୀତି ହାର ଏପ୍ରିଲ୍ ୨୦୨୨ ରେ -୦.୩୪ ପ୍ରତିଶତ ଥିଲା, ଯାହା ଏପ୍ରିଲ୍ ୨୦୨୩ ରେ ୫.୫୫ ପ୍ରତିଶତରେ ପହଞ୍ଚିଥିଲା । ମାର୍ଚ୍ଚ ୨୦୨୩ ରେ ଏହି ସଂଖ୍ୟା ୩.୦୩ ପ୍ରତିଶତ ଥିଲା । ସେହିଭଳି ଏପ୍ରିଲ୍ ୨୦୨୨ ରେ ଧାନର ମୁଦ୍ରାସ୍ଫୀତି ହାର ୧.୪୮ ପ୍ରତିଶତ ଥିଲା । ମାର୍ଚ୍ଚରେ ଏହି ହାର ୭.୭୫ ପ୍ରତିଶତ ଥିଲା ।