ଓଡ଼ିଶାରେ ରାଷ୍ଟ୍ରପତି: ଆଜି ଭୁବନେଶ୍ୱରର ତପୋବନ ସ୍କୁଲ ଯିବେ, ଛାତ୍ରଛାତ୍ରୀଙ୍କ ସହ ଆଲୋଚନା କରିବେ

Updated: Friday, November 11, 2022, 15:38 [IST]

ଭୁବନେଶ୍ୱର: ଓଡିଶାରେ ରାଷ୍ଟ୍ରପତି । ଆଜି ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଓଡ଼ିଶା ଗସ୍ତର ଦ୍ୱିତୀୟ ଦିନ । ଆଜି ଭୁବନେଶ୍ୱରର ତପୋବନ ସ୍କୁଲରେ ରାଷ୍ଟ୍ରପତି ମ୍ୟାଡମଙ୍କର ୧୭ ମିନିଟର କାର୍ଯ୍ୟକ୍ରମ ରହିଛି । ଏହି ଅବସରରେ ସ୍କୁଲର ଛାତ୍ରଛାତ୍ରୀଙ୍କ ସହ ଅଲୋଚନା କରିବେ ରାଷ୍ଟ୍ରପତି । ତପୋବନ ସ୍କୁଲ କାର୍ଯ୍ୟକ୍ରମ ସାରି ୟୁନିଟ-୨ ଗାର୍ଲସ୍ ହାଇସ୍କୁଲ ଯିବେ ରାଷ୍ଟ୍ରପତି । ଏହି ସ୍କୁଲରେ ରହିଛି ରାଷ୍ଟ୍ରପତି ମ୍ୟାଡମଙ୍କ ଅନେକ ସ୍କୃତି । ୧୯୭୦ରୁ ୧୯୭୫ ପର୍ଯ୍ୟନ୍ତ ଏହି ସ୍କୁଲରେ ପଢିଥିଲେ ରାଷ୍ଟ୍ରପତି । ପାଠ ପଢ଼ିଲା ବେଳେ ରହୁଥିବା ହଷ୍ଟେଲ ମଧ୍ୟ ବୁଲି ଦେଖିବେ ଦୌପଦୀ ମୁର୍ମୁ । ସେହିପରି ନିଜ ୧୩ ଜଣ ସହପାଠିନୀଙ୍କୁ ମଧ୍ୟ ଭେଟିବେ ରାଷ୍ଟ୍ରପତି । ରାଷ୍ଟ୍ରପତି ମ୍ୟାଡମଙ୍କ ସ୍ୱାଗତ ପାଇଁ ସ୍କୁଲରେ ସାଂସ୍କୃତିକ କାର୍ଯ୍ୟକ୍ରମର ଆୟୋଜନ କରାଯାଇଛି ।