ଓଡିଶାରେ ରାଷ୍ଟ୍ରପତି: ବଡଦାଣ୍ଡରେ ଚାଲିଚାଲି ଗଲେ ମହାମହିମ, ଶ୍ରୀମନ୍ଦିରରେ କଲେ ଜଗା ଦର୍ଶନ
ବଡ଼ ଦାଣ୍ଡରେ ପହଞ୍ଚିବା ପୂର୍ବରୁ ମହାପ୍ରଭୁଙ୍କ ପାଇଁ ଭାବବିହ୍ୱଳ ହୋଇ ପଡ଼ିଥିଲେ ମହାମହିମ ରାଷ୍ଟ୍ରପତି । ସିଂହଦ୍ୱାରର ବହୁ ପୂର୍ବରୁ କାରକେଡ୍ ରଖି ବଡ଼ଦାଣ୍ଡରେ ଚାଲିଲେ ଓ ମହାପ୍ରଭୁଙ୍କ ଉଦେଶ୍ୟରେ ହାତ ଟେକିଲେ ।
ଭୁବନେଶ୍ୱର: ଆଜିଠୁ ଦୁଇ ଦିନିଆ ଓଡ଼ିଶା ଗସ୍ତରେ ଆସିଛନ୍ତି ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଭୁବନେଶ୍ବର ବିମାନ ବନ୍ଦରରେ ରାଷ୍ଟ୍ରପତିଙ୍କୁ ସ୍ବାଗତ କରିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ରାଜ୍ୟପାଳ ଗଣେଶୀ ଲାଲ । ପରେ ବିମାନ ବନ୍ଦରରେ ଗାର୍ଡ ଅଫ ଅନର ଦିଆଯିବା ପରେ ପୁରୀ ଅଭିମୁଖେ ବାହାରିଥିଲେ ରାଷ୍ଟ୍ରପତି ।
ଭୁବନେଶ୍ବର ବିମାନ ବନ୍ଦରରୁ ରାଷ୍ଟ୍ରପତି ସ୍ବତନ୍ତ୍ର ବିମାନରେ ପୁରୀ ଗସ୍ତରେ ଯାଇ ତାଳବଣିଆ ହେଲିପ୍ୟାଡରେ ଅବତରଣ କରିଥିଲେ । ପରେ ଶ୍ରୀମନ୍ଦିର ଯାଇ ଜଗା ଦର୍ଶନ କରିଥିଲେ । ବଡ଼ ଦାଣ୍ଡରେ ପହଞ୍ଚିବା ପୂର୍ବରୁ ମହାପ୍ରଭୁଙ୍କ ପାଇଁ ଭାବବିହ୍ୱଳ ହୋଇ ପଡ଼ିଥିଲେ ମହାମହିମ ରାଷ୍ଟ୍ରପତି । ସିଂହଦ୍ୱାରର ବହୁ ପୂର୍ବରୁ କାରକେଡ୍ ରଖି ବଡ଼ଦାଣ୍ଡରେ ଚାଲିଲେ ଓ ମହାପ୍ରଭୁଙ୍କ ଉଦେଶ୍ୟରେ ହାତ ଟେକିଲେ ।
ବଳଗଣ୍ଡି ଛକରୁ କାରରୁ ଓହ୍ଲାଇପଡ଼ିଥିଲେ ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ସେଠାରୁ ସେ ଚାଲି ଚାଲି ଯାଇ ଶ୍ରୀମନ୍ଦିରରେ ପହଞ୍ଚିଲେ । ଆଉ ରାସ୍ତାରେ ଗଲାବେଳେ କୁନି କୁନି ସ୍କୁଲ ପିଲାଙ୍କ ସହ ହାତ ମେଳାଇଥିଲେ ଆଉ କଥା ହୋଇଥିଲେ । କୁନି କୁନି ପିଲାଙ୍କୁ ଦେଖିବା ପରେ ରାଷ୍ଟ୍ରପତି ଖୁବ୍ ଖୁସି ଜଣାପଡ଼ୁଥିଲେ । ଖାଲି ସେତିକି ନୁହେଁ ଚାଲି ଚାଲି ଗଲା ବେଳେ ସାଧାରଣ ଲୋକଙ୍କୁ ହାତ ହଲାଇ ଜଣାଇଥିଲେ ଅଭିବାଦନ ।
ପରେ ସିଂହଦ୍ୱାର ସାମନାରେ ରାଷ୍ଟ୍ରପତିଙ୍କୁ ସ୍ୱାଗତ ସମ୍ବର୍ଦ୍ଧନା କରାଯାଇଥିଲା । ରାଷ୍ଟ୍ରପତିଙ୍କୁ ପୁଷ୍ପ ଗୁଚ୍ଛ ଦେଇ ସ୍ୱାଗତ କଲେ ଗଜପତି ମହାରାଜ । ସିଂହଦ୍ୱାର ସମାନାରେ ମୁଣ୍ଡ ଲଗାଇ ପ୍ରଣିପାତ କଲେ । ଶ୍ରୀମନ୍ଦିରରୁ ବାହାରି ସେଠାରୁ ସିଧା ରାଜଭବନ ଯାଇଛନ୍ତି ରାଷ୍ଟ୍ରପତି । ରାଜଭବନରେ ପହଞ୍ଚି ମହାପ୍ରସାଦ ସେବନ କରିବେ ରାଷ୍ଟ୍ରପତି ମୁର୍ମୁ ।
Click it and Unblock the Notifications
Sign in with Google