ଶବର ରାଜା ବିଶ୍ୱାବସୁଙ୍କ ଗାଁ କାଳିଆପଲ୍ଲୀରେ ଶବର ସମ୍ପ୍ରଦାୟ ଦ୍ୱାରା ଚାଲିଛି ମହାଯଜ୍ଞ

କାଳିଆପଲ୍ଲୀ ଗାଁରେ ଥିବା ଭାରତୀୟ ବିଶ୍ୱାବସୁ ସମାଜ ଫାଉଣ୍ଡେସନର ପ୍ରତିଷ୍ଠା ଦିବସ ଉତ୍ସବରେ ମୁଖ୍ୟ ଅତିଥି ଭାବେ ଯୋଗ ଦେଇଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ। ଜୟ ଜଗନ୍ନାଥ.. ଜୟ ନୀଳମାଧବ.. ଜୟ ବିଶ୍ୱାବସୁ କହିଲେ ରାଷ୍ଟ୍ରପତି ।

ରାଷ୍ଟ୍ରପତିଙ୍କ ଗସ୍ତ ଥିବାରୁ ସୁରକ୍ଷା ଦୃଷ୍ଟିରୁ 30 ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଛି । ପ୍ରସ୍ତୁତି ଚୂଡାନ୍ତ ପର୍ଯ୍ୟାୟରେ ନୟାଗଡ ଜିଲ୍ଲାପାଳ, ନୟାଗଡ SP, ADG, କେନ୍ଦ୍ରାଞ୍ଚଳ IG, ଖଣ୍ଡପଡା ବିଧାୟକ ପ୍ରମୁଖ ଉପସ୍ଥିତ ରହି ମହାମହିମଙ୍କ ଗସ୍ତର ପ୍ରସ୍ତୁତ ଉପରେ ଯାଞ୍ଚ କରିଥିଲେ ।

ଏନେଇ କାଳିଆପଲ୍ଲୀ ଗ୍ରାମବାସୀ କହିଛନ୍ତି, 'ରାଷ୍ଟ୍ରପତି ଆମ ଗାଁକୁ ଆସିଛନ୍ତି ବହୁତ ଖୁସି ଲାଗୁଛି । ଆମେ କେବେ ଭାବି ନଥିଲୁ ରାଷ୍ଟ୍ରପତି ଆସିବେ । ସେ ଆସିଲେ ଏଥିପାଇଁ ବହୁତ ଖୁସି ।'