ସିବିଆଇର ଚାର୍ଜଫ୍ରେମ ପ୍ରସଙ୍ଗରେ ପ୍ରତିକ୍ରିୟା ରଖିଲେ ପୂର୍ବତନ ବିଧାୟକ ପ୍ରଭାତ ବିଶ୍ବାଳ
ସିବିଆଇର ଚାର୍ଜଫ୍ରେମ ପ୍ରସଙ୍ଗରେ ପ୍ରତିକ୍ରିୟା ରଖିଲେ ପୂର୍ବତନ ବିଧାୟକ ପ୍ରଭାତ ବିଶ୍ବାଳ । ଧର୍ମର ଜୟ ହେବ ବୋଲି କହିଲେ ପୂର୍ବତନ ବିଧାୟକ ପ୍ରଭାତ ବିଶ୍ବାଳ । ମାମଲା କୋର୍ଟରେ ବିଚାରାଧୀନ ଅଛି ଆଇନ ତା ବାଟରେ ଯାଉଛି ବୋଲି ସେ କହିଛନ୍ତି ।
ସେ ଆହୁରି କହିଛନ୍ତି ଯେ, ପ୍ରଥମ ଦିନରୁ କହି ଆସୁଛି, ଏହା ଏକ ଜମିଜମା ମାମଲା । ଲାଞ୍ଚ କେହି ଚେକରେ ନିଅନ୍ତିନି, ପୂର୍ବରୁ ହାଇକୋର୍ଟ ଯାଇଥିଲି । ୨ ମାସରେ ଚାର୍ଜଫ୍ରେମ କରିବାକୁ ହାଇକୋର୍ଟ ନିର୍ଦ୍ଦେଶ ଦେଇଥିଲେ । ବିଳମ୍ବ ହୋଇ ୬ ମାସ ପରେ ଗତକାଲି ଚାର୍ଜଫ୍ରେମ ହୋଇଛି ବୋଲି ପ୍ରଭାତ କହିଛନ୍ତି ।
ସମୟ ବଡ଼ ବଳବାନ, ସମୟ ସବୁ କଥାର ଜବାବ ଦେବ ବୋଲି କହିଛନ୍ତି ପ୍ରଭାତ । କାଗଜପତ୍ର ଟାମ୍ପରିଂ ଅଭିଯୋଗକୁ ନେଇ ପ୍ରଭାତ ବିଶ୍ଵାଳ ପ୍ରତିକ୍ରିୟା ରଖି କହିଛନ୍ତି ଯେ, ଯେଉଁମାନେ ଟାମ୍ପରିଂ କରିଛନ୍ତି ତଦନ୍ତରେ ଧରାପଡିବେ ।
ସିସୋର ଚିଟଫଣ୍ଡ ମାମଲାରେ ହୋଇଛି ଚାର୍ଜଫ୍ରେମ୍ । ୯ ବର୍ଷ ପରେ ଚାର୍ଜଫ୍ରେମ୍ କରିଛି ସିବିଆଇ । ଭୁବନେଶ୍ୱର ସ୍ୱତନ୍ତ୍ର ସିବିଆଇ ୱାନ୍ କୋର୍ଟରେ ଚାର୍ଜଫ୍ରେମ୍ କରିଛି ସିବିଆଇ । କଟକ ଚୌଦ୍ୱାରର ପୂର୍ବତନ ବିଧାୟକ ପ୍ରଭାତ ବିଶ୍ୱାଳ ଓ ତାଙ୍କ ପତ୍ନୀ ଲକ୍ଷ୍ମୀ ବିଳାସିନୀଙ୍କ ନାଁରେ ଚାର୍ଜଫ୍ରେମ୍ କରାଯାଇଛି ।
ସୂଚନା ଯୋଗ୍ୟ, ୨୦୧୪ରେ ସିସୋର ସହ ଏକ ଜମି ଡିଲ ମାମଲାରେ ପୂର୍ବତନ ବିଧାୟକ ପ୍ରଭାତ ବିଶ୍ୱାଳ ଓ ତାଙ୍କ ପତ୍ନୀ ଲକ୍ଷ୍ମୀ ବିଳାସିନୀ ବିଶ୍ୱାଳଙ୍କୁ ଜେରା କରିଥିଲା ସିବିଆଇ । ୨୯ ଲକ୍ଷ ୨୫ହଜାର ଟଙ୍କାରେ ୨୦୧୧ରେ ଏହି ଜମି କିଣିବା ପାଇଁ ଡିଲ ହୋଇଥିଲା । କିନ୍ତୁ କିଛି ମାସ ପରେ ଜମି ଡିଲରୁ ଓହରି ଯାଇଥିଲେ ସିସୋର ମୁଖ୍ୟ ପ୍ରଶାନ୍ତ ଦାସ । କିନ୍ତୁ ପ୍ରଭାତ ଓ ତାଙ୍କ ପତ୍ନୀ ସିସୋରକୁ ଆଉ ଟଙ୍କା ଫେରସ୍ତ କରି ନଥିବା ସିବିଆଇରେ ଅଭିଯୋଗ ହୋଇଥିଲା । ବେଆଇନ ଅର୍ଥ କାରବାର ମାମଲାରେ ଉଭୟଙ୍କ ନାଁରେ ଦଫା ୪୨୦,୧୨୦(ଖ),୪୦୯, ୪୬୭ ଏବଂ ୪୭୧ ଆଧାରରେ ଚାର୍ଜଫ୍ରେମ ହୋଇଛି ।
Click it and Unblock the Notifications
Sign in with Google