ଆଗାମୀ ଦିନରେ ଆଳୁ ମିଶନ ସଫଳ ହେବ : ମୁଖ୍ୟମନ୍ତ୍ରୀ ମୋହନ ମାଝୀ

ଆଗାମୀ ଦିନରେ ଆଳୁ ମିଶନ ସଫଳ ହେବ କହିଲେ ମୁଖ୍ୟମନ୍ତ୍ରୀ ମୋହନ । ଓୟୁଏଟି ଉତ୍ସବରେ ଆଳୁ ମିଶନ ସଫଳ କରିବାକୁ ମୁଖ୍ୟମନ୍ତ୍ରୀଙ୍କ ଆହ୍ବାନ । ବିଗତ ଦିନରେ ଫେଲ୍ ହୋଇଥିବା ମିଶନ ଆଗାମୀ ଦିନରେ ସଫଳ ହେବ'। ଆଳୁ ମିଶନ, ପିଆଜ ମିଶନ ଆଦି ସଫଳ କରିବାକୁ ବୈଜ୍ଞାନିକଙ୍କୁ ଆହ୍ବାନ' । ମିଶନ ସଫଳ ହେଲେ ଅନ୍ୟ ରାଜ୍ୟର ଚାପ ଆଉ ରହିବନି ବୋଲି କହିଲେ ମୋହନ । ଆଗାମୀ ଦିନରେ ଆଳୁର ଅଭାବ କି ଅଭାବୀ ବିକ୍ରି ସମସ୍ୟା ରହିବନି ।

ଆଳୁ ଦାମ ବୃଦ୍ଧି ନେଇ ମୁଖ୍ୟମନ୍ତ୍ରୀ ମୋହନ ମାଝି ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କୁ ଟାର୍ଗେଟ କରିଛନ୍ତି । ଓୟୁଏଟି ପ୍ରତିଷ୍ଠା ଦିବସରେ ଯୋଗ ଦେଇ ପୂର୍ବ ସରକାରଙ୍କ ଉପରେ ବର୍ଷିଛନ୍ତି ମୋହନ ।

ସେ କହିଛନ୍ତି, ପୂର୍ବ ସରକାରରେ କୃତ୍ରିମ ସମସ୍ୟା ତିଆରି କରାଯାଇଥିଲା। ଆଳୁ ମିଶନକୁ ନିଜ ସରକାରକୁ ବଞ୍ଚାଇବାକୁ କରିଥିଲେ। ଚାଷୀ ବଞ୍ଚାଇବା କାର୍ଯ୍ୟକ୍ରମ ପୂର୍ବ ସରକାର କରି ନ ଥିଲେ । ଏବେ ପଞ୍ଜାବ ଓ ଉତ୍ତରପ୍ରଦେଶରୁ ଆଳୁ ଆସିଛି। ଆଉ ଏବେ ଆଳୁ ସମସ୍ୟା ସମାଧାନ ହୋଇଛି ।

ଭଲ କିସମର ଆଳୁ ଗବେଷଣା କରିବାକୁ OUATକୁ ମୁଖ୍ୟମନ୍ତ୍ରୀ ଆହ୍ବନ କରିଛନ୍ତି। ପିପିପି ମୋଡରେ ଶୀତଳ ଭଣ୍ଡାର କରାଯିବ ବୋଲି ମୋହନ ମାଝି କହିଛନ୍ତି।