ନୟାଗଡ଼ର ୪ ଜେଲରେ ଚଢାଉ, ନିଶାଦ୍ରବ୍ୟ ଜବତ

ନୟାଗଡ଼: ନୟାଗଡ଼ର ୪ ଜେଲରେ ଚଢାଉ । ଜିଲ୍ଲା ମୁଖ୍ୟ ଜେଲ ସମେତ ରଣପୁର, ଦଶପଲ୍ଲା, ଖଣ୍ଡପଡା ସବଜେଲରେ ଚଢାଉ କରାଯାଇଛି । ଏହି ସମୟରେ ନିଶାଦ୍ରବ୍ୟ ଜବତ ହୋଇଛି । ତେବେ ଜେଲ ଭିତରେ ବେଆଇନ କାର୍ଯ୍ୟ ଚାଲୁଥିବା ଅଭିଯୋଗ ହେବା ପରେ ନୟାଗଡ଼ ଏସପି ରାହୁଲ ଜୈନ ଯାଞ୍ଚ କରିବା ନେଇ ନିର୍ଦ୍ଦେଶ ଦେଇଥିଲେ । ଯାହା ପରେ ବରିଷ୍ଠ ପୋଲିସ ଅଧିକାରୀ, ସ୍ଥାନୀୟ ପୋଲିସ ମାଜିଷ୍ଟ୍ରେଟଙ୍କୁ ନେଇ ଏହି ଜେଲରେ ଭିତରେ ଚଢାଉ କରିଥିଲେ ।

ସୂଚନା ଅନୁସାରେ, ଯାଞ୍ଚ ସମୟରେ ଜେଲ ଭିତରୁ ଗୁଟଖା, ବିଡି, ସିଗାରେଟ୍ ,ଦିଆସିଲ ଜବତ କରାଯାଇଛି ଏହାସହ ପ୍ରାୟ ୧୫ ହଜାର ଟଙ୍କା ମଧ୍ୟ ପୋଲିସ ଜବତ କରିଛି । ତେବେ ଜେଲ ଭିତରକୁ ଏହି ଦ୍ରବ୍ୟ ନେବା ପାଇଁ ଅନୁମତି ନଥିବା ସତ୍ୱେ କିପରି ଜେଲ ଭିତରକୁ ଆସିଲା ସେ ନେଇ ପୋଲିସ ତଦନ୍ତ ଆରମ୍ଭ କରିଛି ।