ଦୀପାବଳି ପୂର୍ବରୁ ପୁଲିସ ଜବତ କଲା ଲକ୍ଷାଧିକ ଟଙ୍କାର ବାଣ, ୨ ଗିରଫ

ରାଉରକେଲା : ରାଉରକେଲା ସହରର ଡେଲି ମାର୍କେଟରୁ ପୁଲିସ ରବିବାର ବାଣ ଜବତ କରିଛି। ରାଉରକେଲା ପ୍ଲାଣ୍ଟ ସାଇଟ୍ ପୋଲିସ ଡେଲି ମାର୍କେଟର ଦୁଇଟି ସ୍ଥାନରେ ଚଢାଉ କରି ୨୦ ଲକ୍ଷ ଟଙ୍କାର ବାଣ ଜବତ କରିଛି। ଏଥିସହ ୨ ଜଣ ବ୍ୟବସାୟୀଙ୍କୁ ଅଟକ ରଖିଛି।

ବ୍ୟବସାୟୀ ୨ ଜଣ ହେଲେ ଅଜୟ ଗୁପ୍ତା ଓ ରାକେଶ ଅଗ୍ରଓ୍ବାଲ। ବ୍ୟବସାୟୀ ଦୁଇ ଜଣ ବେଆଇନ ଭାବରେ ଦୀପାବଳିରେ ବ୍ୟବସାୟ କରିବା ପାଇଁ ଗଚ୍ଛିତ ରଖିଥିଲେ । ପ୍ଲାଣ୍ଟ ସାଇଟ୍ ପୋଲିସ ଖବର ପାଇ ଚଢାଉ କରି ବାଣ ଜବତ କରିଛି । ସହରରେ ଅନ୍ୟ କେଉଁମାନେ ବେଆଇନ ଭାବରେ ବାଣ ଗଚ୍ଛିତ ରଖିଛନ୍ତି ରାଉରକେଲା ପୋଲିସ ତାର ଖୋଳତାଳ କରୁଛି । ଆଗକୁ ବେଆଇନ ବାଣ କାରବାର ଉପରେ ଚଢାଉ ଜାରି ରହିବ ବୋଲି ପୋଲିସ ପକ୍ଷରୁ ସୂଚନା ଦିଆଯାଇଛି।