ସାମ୍ବାଦିକ ହେବେ ପାଟଣାଗଡ଼ ପାର୍ସଲ ବୋମା ମାମଲାର ମୁଖ୍ୟ ଅଭିଯୁକ୍ତ ପୁଞ୍ଜିଲାଲ ମେହେର

ସାମ୍ବାଦିକ ହେବେ ପୁଞ୍ଜିଲାଲ ମେହେର । ଜେଲରେ ସାମ୍ବାଦିକତା ପାଠ ପଢ଼ୁଛନ୍ତି ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ମାମଲାର ମାଷ୍ଟରମାଇଣ୍ଡ ପୁଞ୍ଜିଲାଲ ମେହେର ।

Published: Sunday, March 12, 2023, 22:34 [IST]

ବଲାଙ୍ଗୀର: ସାମ୍ବାଦିକ ହେବେ ପୁଞ୍ଜିଲାଲ ମେହେର । ଜେଲରେ ସାମ୍ବାଦିକତା ପାଠ ପଢ଼ୁଛନ୍ତି ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ମାମଲାର ମାଷ୍ଟରମାଇଣ୍ଡ ପୁଞ୍ଜିଲାଲ ମେହେର । ଶନିବାର ପୁଞ୍ଜିଲାଲ ବଲାଙ୍ଗୀର ଜେଲରେ ଏମ୍‌ଜେଏମ୍‌ସି କୋର୍ସର ପ୍ରଥମ ସେମିଷ୍ଟର ପରୀକ୍ଷା ଦେଇଛନ୍ତି।

ସମ୍ବଲପୁର ବିଶ୍ୱବିଦ୍ୟାଳୟର ଜାତୀୟ ମୁକ୍ତ ବିଶ୍ୱବିଦ୍ୟାଳୟରେ ସାମ୍ବାଦିକତା ଓ ଗଣଯୋଗାଯୋଗ ବିଭାଗରେ ନାଁ ଲେଖାଇ ସ୍ନାତକୋତ୍ତର ପାଠ ପଢୁଛନ୍ତି ପୁଞ୍ଜିଲାଲ। ଆଉ ଏବେ ତାଙ୍କ ପାଇଁ ଜିଲ୍ଲା କାରାଗାରରେ ପରୀକ୍ଷା କେନ୍ଦ୍ର ହୋଇଥିଲା। ଅଧିକାରୀ ଓ କର୍ମଚାରୀମାନେ ଜେଲ ଭିତରକୁ ଯାଇ ପରୀକ୍ଷା ତଦାରଖ କରିଥିଲେ। ଏହା ଥିଲା ପୁଞ୍ଜିଲାଲଙ୍କ ପ୍ରଥମ ସେମିଷ୍ଟାର ପରୀକ୍ଷା। ଏହାପରେ ସେ ଆଉ ୩ ଟି ସେମିଷ୍ଟାର ପରୀକ୍ଷା ଦେବେ, ଆଉ ଦୁଇ ବର୍ଷ ପରେ ସାମ୍ବାକିତା କୋର୍ସରେ ଉତୀର୍ଣ୍ଣ ହେବେ।

ସୂଚନାଯୋଗ୍ୟ ଅଧ୍ୟାପକରୁ ଅପରାଧୀ ହୋଇଥିଲେ ପୁଞ୍ଜିଲାଲ। ସେ ପଠାଇଥିବା ପାର୍ସଲ ବୋମା ବସ୍ଫୋରଣରେ ପାଟଣାଗଡ଼ ଭୋଳାନାଥ ପଡାର ଇଞ୍ଜିନିୟର ସୌମ୍ୟଶେଖର ସାହୁ ଓ ତାଙ୍କ ଜେଜେ ମାଆଙ୍କ ମୃତ୍ୟୁ ହୋଇଥିଲା। ଆଉ ଅଳ୍ପକେ ମୃତ୍ୟୁ ମୁଖରୁ ବର୍ତ୍ତି ଯାଇଥିଲେ ସୌମ୍ୟଙ୍କ ପତ୍ନୀ। ଏହି ମାମଲାରେ ପୁଞ୍ଜିଲାଲ୍‌ ଗିରଫ ହୋଇ ୨୦୧୮ ମସିହାରୁ ଜେଲ ଭିତରେ ଅଛନ୍ତି।

Published On March 12, 2023