ପୁରୀରେ ଟ୍ରେନ୍ ଲାଇନଚ୍ୟୁତ, ଅଘଟଣରୁ ଅଳ୍ପକେ ବର୍ତ୍ତିଲା
ପୁରୀ:ପୁରୀ ଷ୍ଟେସନରେ ପାସେଞ୍ଜର ଟ୍ରେନ୍ ଲାଇନଚ୍ୟୁତ । ପୁରୀ-ଗୁଣପୁର ଟ୍ରେନ୍ ଯାତ୍ରୀ ଓହ୍ଲାଇ ପଛକୁ ଫେରୁଥିବା ବେଳେ ଅଘଟଣ ଘଟିଛି । ସୂଚନା ଅନୁସାରେ, ଟ୍ରେନର ଶେଷ ବଗିଟି ଲାଇଚ୍ୟୁତ ହୋଇଥିଲା । ଟ୍ରେନରେ ଯାତ୍ରୀ ନଥିଲେ, ତେଣୁ ଦୁର୍ଘଟଣାରେ କିଛି କ୍ଷତି ହୋଇ ନାହିଁ । ଦୁର୍ଘଟଣାର କାରଣ ବର୍ତ୍ତମାନ ପର୍ଯ୍ୟନ୍ତ ଅସ୍ପଷ୍ଟ ରହିଛି ।
ସୂଚନା ଅନୁସାରେ,ପୁରୀ-ଗୁଣପୁର ଟ୍ରେନ୍ ପଛକୁ ଫେରିବା ବେଳେ ପଛ ବଗିଟି ଲାଇନଚ୍ୟୁତ ହୋଇଛି । ଦୁର୍ଘଟଣା ଘଟିବା ସମୟରେ କୌଣସି ଯାତ୍ରୀ ଟ୍ରେନରେ ନଥିଲେ । ତେଣୁ କେହି ମୃତାହତ ହୋଇ ନାହାଁନ୍ତି । ଖବର ପାଇଁ ଘଟଣା ସ୍ଥଳରେ ରେଳ ଅଧିକାରୀ ଦୁର୍ଘଟଣାସ୍ଥଳରେ ପହଞ୍ଚିଛନ୍ତି । ଲାଇନଚ୍ୟୁତ ବଗିଟି ରେଳ ଷ୍ଟେସନ୍ ନିକଟରେ ଅଟକି ରହିଛି । ବର୍ତ୍ତମାନ କେଉଁ କାରଣରୁ ଟ୍ରେନଟି ଦୁର୍ଘଟଣା ଗ୍ରସ୍ତ ହେଲା ଏନେଇ ଯାଞ୍ଚ୍ ଆରମ୍ଭ ହୋଇଛି । ଏନେଇ ତଦନ୍ତ ପାଇଁ ଏକ ଟିମ୍ ଗଠନ କରାଯାଇଛି ।
Click it and Unblock the Notifications
Sign in with Google