ସମୁଦ୍ର ମଝିରେ ବୋଟରେ ଚଢିଲା ସନ୍ଦିଗ୍ଧ ଯୁବକ, ଭୟଭୀତ ମତ୍ସ୍ୟଜୀବୀ
ପାରାଦୀପ: ମଝି ସମୁଦ୍ରରେ ବୋଟରେ ଚଢିଲା ସନ୍ଦିଗ୍ଧ ଯୁବକ । ଅଜଣା ବ୍ୟକ୍ତିଙ୍କୁ ବୋଟରେ ଚଢିବାର ଦେଖି ଭୟଭୀତ ମତ୍ସ୍ୟଜୀବୀ । ଚିଲିକା ମୁହାଣରୁ ୭୧ ମାଇଲ୍ ଦୂରରେ ସନ୍ଦିଗ୍ଧଙ୍କୁ ନେଇ ଆତଙ୍କ ସୃଷ୍ଟି ହୋଇଛି । ତେବେ ଯୁବକ ଜଣକ ଭାସି ଆସିଥିବା ଅସହାୟ ବ୍ୟକ୍ତି ନା ଅନୁପ୍ରବେଶକାରୀ ତାହା ବର୍ତ୍ତମାନ ସ୍ପଷ୍ଟ ହୋଇନାହିଁ । ସନ୍ଦିଗ୍ଧ ଯୁବକ ଧରି ପାରାଦୀପ ଅଣୁଛନ୍ତି ବୋଟ୍ କର୍ମଚାରୀ ।
ସୂଚନା ଅନୁସାରେ, ଗତ ସପ୍ତାହରେ ଓମ୍ ନମଃ ଶିବାୟ ନାମକ ଏକ ମାଛ ଧରା ବୋଟ୍ ଏକ ସପ୍ତାହ ତଳେ ମାଛ ଧରିବା ପାଇଁ ସମୁଦ୍ର ମଧ୍ୟକୁ ଯାଇଥିଲା । ବୁଧବାର ରାତିରେ ବୋଟଟି ଚିଲିକା ମୁହାଣରୁ ପ୍ରାୟ ୭୧ ମାଇଲ ଗଭୀର ସମୁଦ୍ରରେ ବୋଟଟି ଅଟକି ଯିବା ସମୟରେ ଜଣେ ଅଜଣା ବ୍ୟକ୍ତି ଦୌଡ଼ି ଧରି ବୋଟ ଉପରକୁ ଚଢି ଆସିଥିଲେ । ସନ୍ଦିଗ୍ଧଙ୍କୁ ଦେଖି ବୋଟରେ ଭୟର ବାତାବରଣ ସୃଷ୍ଟି ହୋଇଥିଲା ।
ତେବେ ମଝି ସମୁଦ୍ରରେ ଯୁବକ ଜଣକ କିପରି ବୋଟ୍ ଉପରକୁ ଆସିଲେ ତାକୁ ନେଇ ଏବେ ପ୍ରଶ୍ନ ସୃଷ୍ଟି ହେଉଛି । ତେବେ ଯୁବକ ଜଣକ କେଉଁଠୁ ଭାସିଆସିଥିବା ଅସହାୟ ବ୍ୟକ୍ତି ନା ଅନୁପ୍ରବେଶକାରୀ ତାହା ବର୍ତ୍ତମାନ ସ୍ପଷ୍ଟ ହୋଇ ନାହିଁ ।
ବର୍ତ୍ତମାନ ମିଳିଥିବା ସୂଚନା ଅନୁସାରେ, ଯୁବକ ଜଣକ କେଉଁ ଭାଷା କହୁଛନ୍ତି ତାହା ବୁଝାପଡୁ ନାହିଁ ହେଲେ ତାଙ୍କ ପାଖରୁ ଏତ ଏଟିଏମ୍ କାର୍ଡ ଯବତ କରାଯାଇଛି । ଉକ୍ତ ଯୁବକକୁ ମାଛଧରା ବୋଟଟି ଆଣି ପାରାଦୀପ ଆସୁଥିବା ନେଇ ସୂଚନା ରହିଛି । କୂଳରେ ରହଞ୍ଚିବା ପରେ ହିଁ ଘଟଣା ଅଧିକ ସ୍ପଷ୍ଟ ହୋଇପାରିବ ବୋଲି ଆଶା କରାଯାଉଛି ।
Click it and Unblock the Notifications
Sign in with Google