ପଦ୍ମପୁର: ବିଜୟ ପରେ ଶାଶୂ ଶ୍ୱଶୂରଙ୍କର ଆଶୀର୍ବାଦ ନେଲେ ବର୍ଷା ସିଂ ବରିହା

ପଦ୍ମପୁର: ବୃହତ ବ୍ୟବଧାନରେ ବିଜୟୀ ହୋଇଛନ୍ତି ବିଜେଡି ପ୍ରାର୍ଥୀ ବର୍ଷା ସିଂ ବରିହା । ପଦ୍ମପୁରର ନବ ନିର୍ବାଚିତ ବିଧାୟିକା ବର୍ଷା ବିଜୟୀ ପରେ ଶ୍ୱଶୁର ରମା ବଳିଆର ସିଂହଙ୍କର ଆଶୀର୍ବାଦ ନେବା ପାଇଁ ପହଁଛନ୍ତି । ସେପଟେ ବେଶ୍ ଆନନ୍ଦରେ ବୋହୂକୁ ସ୍ୱାଗତ କଲେ ଶାଶୂ ଓ ଶ୍ୱଶୂର । ବର୍ଷାଙ୍କୁ ସ୍ୱାଗତ କରି ଶ୍ୱଶୂର ତଥା ବିଜେପି ନେତା ରମା ବଳିଆର ସିଂ କହିଛନ୍ତି ଯେ, ଅନେକ ପରିବାରରରେ ଭିନ୍ନ ଦଳର ଲୋକ ଥାନ୍ତି, ଏହା ସ୍ୱଭାବିକ କଥା, ସେ ତାଙ୍କ ଦଳ ପାଇଁ କାମ କରିବେ ମୁଁ ମୋ ଦଳ ପାଇଁ କାମ କରିବି ।'

ବୋହୂର କର୍ତ୍ତବ୍ୟ ସାରି ଭୁବନେଶ୍ୱର ଅଭିମୁଖେ ବାହାରିଛନ୍ତି ବାର୍ଷା । ଆଜି ବର୍ଷା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସାକ୍ଷାତ କରିବାର କାର୍ଯ୍ୟକ୍ରମ ରହିଛି । ମୁଖ୍ୟମନ୍ତ୍ରୀଙ୍କୁ ଭେଟି ଆଶୀର୍ବାଦ ନେବେ ବର୍ଷା ସଂ ବରିହା । ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ ବିଜେଡି ପ୍ରାର୍ଥୀ ବର୍ଷାଙ୍କ ପାଇଁ ପ୍ରଚାର ମଇଦାନଙ୍କୁ ଓହ୍ଲାଇଥିଲେ ମୁଖ୍ୟମନ୍ତ୍ରୀ । ଗତକାଲି ବିଜୟ ହାସଲ କରିବା ପରେ ବର୍ଷାଙ୍କ ସହ ଫୋନରେ କାଥା ହୋଇ ଶୁଭେଚ୍ଛା ଜଣାଇଥିଲେ ମୁଖ୍ୟମନ୍ତ୍ରୀ ।

ସୂଚନାଥାଉ ଯେ, ୪୨୦୬୫ ଭୋଟରେ ବିଜେଡି ପ୍ରାର୍ଥୀ ବର୍ଷା ସିଂ ବରିହା ବିଜୟୀ ହୋଇଛନ୍ତି । ମୋଟ ୧,୧୯,୫୧୨ ଖଣ୍ଡ ଭୋଟ ପାଇଲେ ବର୍ଷା । ବିଜେପି ପ୍ରାର୍ଥୀ ପ୍ରଦୀପଙ୍କୁ ମିଳିଲା ୭୭, ୪୪୭ ଖଣ୍ଡ ଭୋଟ । ସେହିପରି କଂଗ୍ରେସକୁ ୩୫୩୧ ଖଣ୍ଡ ଭୋଟ୍ ମିଳିଛି ।

English summary

Padmapur Bypoll Result: Barsha Singh Bariha In His Laws House