ପଦ୍ମପୁର ଉପନିର୍ବାଚନ: ଛକାପଞ୍ଝା ଭିତରେ ଶେଷରେ ନାମାଙ୍କନ ଭରିଲେ ତିନି ରାଜନୈତିକ ଦଳ ପ୍ରାର୍ଥୀ
ଶେଷରେ ନାମାଙ୍କନ ଭରିଲେ ତିନି ରାଜନୈତିକ ଦଳ ପ୍ରାର୍ଥୀ । ଆଜି ୧୭ ତାରିଖ ପ୍ରାର୍ଥିପତ୍ର ଦାଖଲର ଶେଷ ଦିବସରେ ପ୍ରାର୍ଥାପତ୍ର ଦାଖଲ କରିଛନ୍ତି ବିଜେଡି-ବିଜେପି-କଂଗ୍ରେସ ଦଳର ପ୍ରାର୍ଥୀ ।
ପଦ୍ମପୁର: ସରିଲା ଛକା ପଞ୍ଝା । ଶେଷରେ ନାମାଙ୍କନ ଭରିଲେ ତିନି ରାଜନୈତିକ ଦଳ ପ୍ରାର୍ଥୀ । ଆଜି ୧୭ ତାରିଖ ପ୍ରାର୍ଥିପତ୍ର ଦାଖଲର ଶେଷ ଦିବସରେ ପ୍ରାର୍ଥାପତ୍ର ଦାଖଲ କରିଛନ୍ତି ବିଜେଡି-ବିଜେପି-କଂଗ୍ରେସ ଦଳର ପ୍ରାର୍ଥୀ ।
ପ୍ରଥମେ ନାମାଙ୍କନ ଦାଖଲ କରିଛନ୍ତି ବିଜେଡି ପ୍ରାର୍ଥୀ ବର୍ଷା ସିଂ ବରିହା । ସାଥିରେ ଥିଲେ ବିଜେଡି ନେତ୍ରୀ ସ୍ନେହାଙ୍ଗୀନ ଛୁରିଆ, ବରିଷ୍ଠ ବିଜେଡି ନେତା ପ୍ରସନ୍ନ ଆଚାର୍ଯ୍ୟ, ସମର୍ଥକ । ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ପ୍ରାର୍ଥିପତ୍ର ଦାଖଲ କରିଛନ୍ତି ବର୍ଷା । ନାମାଙ୍କନ ପୂର୍ବରୁ ବୁଢ଼ା ରାଜାଙ୍କ ଆର୍ଶୀବାଦ ନେଇଛନ୍ତି ବିଜେଡି ପ୍ରାର୍ଥୀ ବର୍ଷା ସିଂ ବରିହା ।
ସେପଟେ ବିରାଟ ଶୋଭାଯାତ୍ରାରେ ନାମାଙ୍କନ ଭରିଛନ୍ତି କଂଗ୍ରେସ ପ୍ରାର୍ଥୀ ସତ୍ୟଭୁଷଣ ସାହୁ । ସାଥିରେ ଅଛନ୍ତି ପିସିସି ସଭାପତି ଶରତ ପଟ୍ଟନାୟକ, ବିଧାୟକ ସନ୍ତୋଷ ସିଂ ସାଲୁଜାଙ୍କ ସହ ଅନ୍ୟ ବରିଷ୍ଠ ନେତା ମଧ୍ୟ ଉପସ୍ଥିତ ରହିଥିଲେ । ସମସ୍ତଙ୍କ ଉପସ୍ଥିତିରେ ସେ ନାମାଙ୍କନ ଭରିଛନ୍ତି ।
ସେହିଭଳି ବିଜେପି ପ୍ରାର୍ଥୀ ପ୍ରଦୀପ ପୁରୋହିତ ମଧ୍ୟ ଶେଷ ଦିନରେ ନାମାଙ୍କନ ଦାଖଲ କରିଛନ୍ତି । ରାଜ୍ୟ ବିଜେପି ସଭାପତି ସମୀର ମହାନ୍ତି ଏବଂ ଅନ୍ୟ ବରିଷ୍ଠ ନେତାଙ୍କ ଉପସ୍ଥିତିରେ ପ୍ରଦୀପ ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ନିଜର ନାମାଙ୍କନ ଦାଖଲ କରିଛନ୍ତି ।
Click it and Unblock the Notifications
Sign in with Google