ସମଲେଶ୍ୱରୀ ମନ୍ଦିରରେ ପାନ-ଗୁଡୁଖା ମନା

Published: Wednesday, January 3, 2024, 14:00 [IST]

ସମ୍ବଲପୁର: ନୂଆବର୍ଷ ଆରମ୍ଭ ହେବା ସହ ଅନେକ ନିୟମ ପରିବର୍ତ୍ତନ ହୋଇଯାଇଛି । ଏଣିକି ସମଲେଶ୍ୱରୀ ମନ୍ଦିରରେ ପାନ-ଗୁଡୁଖାକୁ ସମ୍ପୂର୍ଣ୍ଣ ନିଷେଧ କରାଯିବ । ଏହା ପୂର୍ବରୁ ପୁରୀ ଶ୍ରୀମନ୍ଦିର, ଲିଙ୍ଗରାଜ ମନ୍ଦିରରେ ପାନଗୁଟଖା ବ୍ୟାନ୍ କରାଯାଇଥିଲା ।

ସମଲେଶ୍ୱରୀ ମନ୍ଦିରରେ ପ୍ରତିଦିନ ହଜାର ହଜାର ଶ୍ରଦ୍ଧାଳୁ ମା'ଙ୍କ ଦର୍ଶନ କରିବା ପାଇଁ ଆସିଥାନ୍ତି । ହେଲେ ମନ୍ଦିର ପରିସର ମଧ୍ୟରେ ପାନ ଗୁଡଖା ଖାଇ ଲୋକେ ଛେପ ପକାଉଥିବାରୁ ମନ୍ଦିରର ପରିବେଶ ଖରାପ ହେବା ସହ ସୌନ୍ଦର୍ଯ୍ୟ ନଷ୍ଟ ହେଉଛି ଏହା ସହ ମନ୍ଦିର ଭିତରର ପରିବେଶକୁ ସ୍ୱାସ୍ଥ୍ୟକର ରଖିବା ପାଇଁ ଏପରି ନିଷ୍ପତ୍ତି ନିଆଯାଇଛି । ଏଣିକି ମନ୍ଦିର ଭିତରକୁ ନେବା ତ ଦୂରର କଥା ଯଦି କୌଣସି ବ୍ୟକ୍ତି ଗୁଡଖା ଖାଇ ଥିବେ ତେବେ ମଧ୍ୟ ସେ ମନ୍ଦିର ମଧ୍ୟକୁ ପ୍ରବେଶ କରିପାରିବେ ନାହିଁ ।

ସୂଚନା ଅନୁସାରେ, ଖୁବ୍ ଶୀଘ୍ର ଏହି ନିୟମ ଲାଗୁ କରାଯିବା ନେଇ ମନ୍ଦିର ଟ୍ରେଷ୍ଟ ବୋର୍ଡ ପକ୍ଷରୁ ନିଷ୍ପତ୍ତି ନିଆଯାଇଛି । ସେହିପରି ଆଗମୀ ଦିନରେ ମା'ସମଲେଶ୍ୱରୀ ମନ୍ଦିରକୁ ପ୍ଲାଷ୍ଚିକ ମୁକ୍ତ କରିବା ପାଇଁ ଯୋଜନା ରହିଛି । ଏଣକି ଭୋଗ ନେବା ପାଇଁ ପ୍ଲାଷ୍ଟିକ ବଦଳରେ ଫୁଲ ଏବଂ ଭୋଗ ନେବା ପାଇଁ କାଗଜ ବ୍ୟାଗ୍, କପଡା ବ୍ୟାଗ୍, ଚାଙ୍ଗୁଡି ଆଦିର ବ୍ୟବହାର କରାଯିବ ।

Published On January 3, 2024