ନିଆଳିରେ ଭୟାବୟ ଅଗ୍ନିକାଣ୍ତ, ଜଳିଗଲା ୩୯ ଦୋକାନ

Updated: Sunday, November 20, 2022, 12:10 [IST]

ନିଆଳି: ନିଆଳି ସାପ୍ତାହିକ ହାଟରେ ଅଗ୍ନିକାଣ୍ତ । ଜଳିଗଲା ୨୯ଟି ଦୋକାନ । ଲକ୍ଷାଧିକ ଟଙ୍କାର ଜିନିଷ ଜଳିପୋଡ଼ି ପାଉଁଶ ହୋଇଯାଇଛି । ବିଳମ୍ବିତ ରାତିରେ ଭୟଙ୍କର ଅଗ୍ନିକାଣ୍ତ । ଅଗ୍ନିଶମ ବାହିନୀ ଦ୍ୱାରା ନିଆଁ ଆୟତ୍ତ । ବର୍ତ୍ତମାନ ଅଗ୍ନିକାଣ୍ତର କାରଣ ଅସ୍ପଷ୍ଟ ରହିଛି ।

ସୂଚନା ଅନୁସାରେ, ଗତକାଲି ବିଳମ୍ବିତ ରାତିରେ କୌଣସି କାରଣରୁ ନିଆଳି ସାପ୍ତାହିକ ହାଟରେ ନିଆଁ ଲାଗି ଲକ୍ଷାଧିକ ଟଙ୍କାର ସାମଗ୍ରୀ ପୋଡ଼ି ନଷ୍ଟ ହୋଇଯାଇଛି । ଖବର ପାଇଁ ତୁରନ୍ତ ଘଟଣା ସସ୍ଥଳରେ ପହଁଚିଥିଲା ନିଆଳି ଅଗ୍ନିଶମ ବାହିନୀ ଏବଂ ନିଆଁକୁ ଆୟତ୍ତ କରିଥିଲା । ତେବେ ଅଗ୍ନିକାଣ୍ତର କାରଣ ବର୍ତ୍ତମାନ ପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ଅଗ୍ନିକାଣ୍ତରେ ବହୁ ପରିମାଣରେ ଜିନିଷ ପୋଡ଼ି ଛାରଖାର ହୋଇଯାଇଛି ।