ଆଜିଠୁ ପୁଣି ଖୋଲିଲା ଶିମିଳିପାଳ ଜାତୀୟ ଅଭୟାରଣ୍ୟ

ବାରିପଦା: ଏସିଆ ମହାଦଶର ଦ୍ୱିତୀୟ ବୃହତ୍ତମ ଜୈବମଣ୍ତଳ ହେଉଛି ଶିମିଳିପାଳ ଜାତୀୟ ଉଦ୍ୟାନ । ପର୍ଯ୍ୟଟକଙ୍କ ପାଇଁ ଆଜିଠୁ ପୁଣି ଖୋଲିଲା ଜାତୀୟ ଉଦ୍ୟାନ । ତେବେ ମୌସମୀ ଋତୁ ପାଇଁ ପ୍ରାୟ ୫ ମାସ ପାଇଁ ବନ୍ଦ ରୁହେ ଏହି ଅଭୟାରଣ୍ୟ ।

ସୂଚନା ଅନୁସାରେ,ଏହା ସକାଳ ୬ଟାରୁ ୯ଟା ପର୍ଯ୍ୟନ୍ତ ପର୍ଯ୍ୟଟକମାନଙ୍କ ପାଇଁ ଖୋଲିଯିବ । ଯଶିପୁର ପାର୍ଶ୍ୱରୁ କଳିଆଣି ଗେଟ୍ ଦେଇ ୩୫ଟି ଗାଡ଼ି ଯିବା ନେଇ ଅନୁମତି ରହିଛି । ସେହିପରି ବାରିପଦା ଲୁଲୁଙ୍ଗ ଗେଟ୍ ଦେଇ ୨୫ଟି ଗାଡ଼ି ଉଭୟାରଣ୍ୟ ଭିତରକୁ ପ୍ରବେଶ କରିପାରିବ । ସେହିପରି ବରେହିପାଣି ଏବଂ ଜରନ୍ଦାରୁ ଅପରାହ୍ନ ୩ଟା ସୁଦ୍ଧା ସମସ୍ତ ପର୍ଯ୍ୟଟକ ମାନଙ୍କୁ ଅଭୟାରଣ୍ୟ ଛାଡିବା ପାଇଁ ପଡିବ ।

ପର୍ଯ୍ୟଟଙ୍କ ସୁବିଧା ପାଇଁ କର୍ତ୍ତୃପକ୍ଷ ବ୍ୟାପକ ବ୍ୟବସ୍ଥା କରିଛନ୍ତି । ଉଦ୍ୟାନ ମଧ୍ୟକୁ କୌଣସି ପ୍ଲାଷ୍ଟିକ୍ ସାମଗ୍ରୀ ନେବା ମନା । ଏହାକୁ ପ୍ଲାଷ୍ଟିକ୍ ମୁକ୍ତ ଅଞ୍ଚଳ ଭବେ ଘୋଷଣା କରାଯାଇଛି । ତେବେ ସରକାରଙ୍କ ପକ୍ଷରୁ ସ୍ଥାନୀୟ ସ୍ୱୟଂ ସହାୟକ ଗୋଷ୍ଠୀ ମାନଙ୍କୁ ନିୟୋଜିତ କରାଯାଇ ବିଭିନ୍ନ ରନ୍ଧାଖାଦ୍ୟର ବ୍ୟବସ୍ଥା କରାଯାଇଛି ।

English summary

Odisha's Similipal National Park to open