୧୫ ଡିଗ୍ରୀ ତଳେ ୧୯ ସହର ରାତ୍ରୀ ତାପମାତ୍ରା

Updated: Saturday, November 26, 2022, 12:31 [IST]

ଭୁବନେଶ୍ୱର: ଆଗାମୀ ୨୪ ଘଣ୍ଟା ମଧ୍ୟରେ ରାଜ୍ୟର ବଢିବ ଶୀତ । ଅଧିକାଂଶ ସ୍ଥାନର ରାତିର ତାପମାତ୍ରା ୨ ରୁ ୩ ଡିଗ୍ରୀ ପର୍ଯ୍ୟନ୍ତ ହ୍ରାସ ପାଇବା ନେଇ ସୂଚନା ରହିଛି । ଆଜି ୧୫ ଡିଗ୍ରୀ ତଳେ ରହିଛି ୧୯ ସହରର ରାତି ତାପମାତ୍ରା । ୯.୫ ଡିଗ୍ରୀ ସହ ସୁନ୍ଦରଗଡ଼ର କିରେଇ ସବୁଠୁ ଥଣ୍ତା ସହର । ଜି. ଉଦୟଗିରି ୧୦, ଦାରିଙ୍ଗିବାଡ଼ି ଓ ଫୁଲବାଣୀ ୧୦.୫ ଡିଗ୍ରୀ । ଭୁବନେଶ୍ୱର ୧୪.୫ ଡିଗ୍ରୀ, କଟକର ତାପମାତ୍ରା ୧୫ ଡିଗ୍ରୀ ରେକର୍ଡ କରାଯାଇଛି ।

ସେହିପରି କୋରାପୁଟ ଜିଲ୍ଲା ଜୟପୁର, କଳାହାଣ୍ତି, କନ୍ଧମାଳର କିଛି ଅଂଶରେ ଘନକୁହୁଡି ଦୃଶ୍ୟମାନ ହୋଇଛି । ଆଞ୍ଚଳିକ ପାଣିପାଗ ବିଶେଷଜ୍ଞଙ୍କ କହିବାନୁଯାୟୀ ଗତ ୨୪ ଘଣ୍ଟା ମଧ୍ୟରେ ରାଜ୍ୟକ ବିଭିନ୍ନ ସ୍ଥାନର ସର୍ବନିମ୍ନ ତାପମାତ୍ରା ହ୍ରାସ ପାଇଛି । ଝାରସୁଗୁଡ଼ାରେ ରାଜ୍ୟର ସିର୍ବନିମ୍ନ ତାପମାତ୍ରା ୧୨ ଡିଗ୍ରୀ ରେକର୍ଡ କରାଯାଇଛି । ୨୭ ତାରିଖରୁ ଉପକୂଳରେ ରାତି ତାପମାତ୍ରା କ୍ରମଶଃ ବଢ଼ିବ । ୨୯ ତାରିଖ ସୁଦ୍ଧା ପ୍ରାୟ ୨ ଡିଗ୍ରୀ ତାପମାତ୍ରା ବଢ଼ିପାରେ । ଦକ୍ଷିଣ ଆଭ୍ୟନ୍ତର ଓ ପଶ୍ଚିମ ଓଡ଼ିଶାରେ ୨୭ ଓ ୨୮ ତାରିଖ ୨ ଦିନରେ ପ୍ରାୟ ୨ ଡିଗ୍ରୀ ତାପମାତ୍ରା ବଢ଼ିବ ।