ଓଡ଼ିଶା କୈନ୍ଦ୍ରିକ ପାର୍ଟି ହେବ, ଓଡ଼ିଆ ଲୋକଙ୍କ ପାଇଁ କାମ କରିବ, ମୋକିମ

Published: Tuesday, January 27, 2026, 11:31 [IST]

ମହମ୍ମଦ ମୋକିମ୍ ଙ୍କ ନୂଆ ରାଜନୈତିକ ଦଳର ନାଁ କଣ ରହିବ ସେ ନେଇ ନିଷ୍ପତ୍ତି ହୋଇ ନାହିଁ । ସୂଚନା ଦେଇଛନ୍ତି ମହମ୍ମଦ ମୋକିମ । ଓଡ଼ିଶା ଜନତା କଂଗ୍ରେସ ନାଁ ଦିଆଯିବ ବୋଲି କିଛି ଅନ୍ତିମ ନିଷ୍ପତି ହୋଇ ନାହିଁ । ମାର୍ଚ୍ଚ ମାସ ଶେଷ ବେଳକୁ ଦଳର ଅନ୍ତିମ ରୂପରେଖ ପ୍ରସ୍ତୁତ ହୋଇ ସାରିଥିବ । ପରେ ଆମେ ସୂଚନା ରଖିବୁ ବୋଲି ମୋକିମ କହିଛନ୍ତି। ଓଡ଼ିଶା ଜନ କଂଗ୍ରେସ, ଲୋକ କଂଗ୍ରେସ କିମ୍ବା ଓଡ଼ିଶା ଜନତା କଂଗ୍ରେସ ନାଁ ଦିଆଯାଇପାରେ । ସେ ନେଇ ଆଲୋଚନା ଓ ବିଚାର ବିମର୍ଶ ଚାଲିଛି। ଶୁଭେଚ୍ଛୁ ମାନଙ୍କର ମତ ନିଆଯାଉଛି ବୋଲି ମୋକିମ କହିଛନ୍ତି । ଯାହା ନାଁ ରଖାଯିବ ସେଥିରେ ଓଡ଼ିଶା ଏବଂ କଂଗ୍ରେସର ନାଁ ରହିବ । ଆମ ଚିନ୍ତାଧାରା ଧର୍ମନିରପେକ୍ଷ। ଦଳ ପଞ୍ଜୀକୃତ ହେବା ପରେ ସୂଚନା ଦିଆଯିବ ବୋଲି ମୋକିମ ମହିଛନ୍ତି ।