Odisha Weather Update: ଭିଜିବ ଓଡ଼ିଶା, ଏହି ସବୁ ଜିଲ୍ଲାକୁ ଆଲର୍ଟ
ମୌସୁମୀ କେରଳ ଛୁଇଁ ସାରିଥିବା ବେଳେ ଖୁବଶୀଘ୍ର ଓଡ଼଼ିଶାରେ ଏହା ପହଞ୍ଚିବା ନେଇ ଆଶା ବାନ୍ଧି ବସିଛନ୍ତି । ତେବେ ଆଜି ଅର୍ଥାତ୍ ରବିବାର ଉତ୍ତର ଓଡ଼ିଶା ଓ ଦକ୍ଷିଣ ଓଡ଼ିଶାର କେତେକ ଜିଲ୍ଲାରେ ହାଲୁକାରୁ ମଧ୍ୟମ ଧରଣର ବର୍ଷା ହୋଇପାରେ ବୋଲି ପୂର୍ବାନୁମାନ କରିଛି ପାଣିପାଗ ବିଭାଗ ।
ଗତ ଦୁଇଦିନ ମଧ୍ୟରେ ରାଜ୍ୟର କେତେକ ସ୍ଥାନରେ କୋହଲା ପାଗ ଯୋଗୁଁ ତାପମାତ୍ରା ପରିବର୍ତ୍ତନ ଘଟିଛି । ଏହାସତ୍ତ୍ବେ ଅଧିକାଂଶ ସ୍ଥାନରେ ଗରମ ଗୁଳୁଗୁଳିରେ ସନ୍ତୁଳି ହୋଇଛନ୍ତି ରାଜ୍ୟବାସୀ । ବିଶେଷ କରି ମୟୂରଭଞ୍ଜ, କେନ୍ଦୁଝର, ଢେଙ୍କନାଳ, ଅନୁଗୁଳ, ନୟାଗଡ଼, ଗଞ୍ଜାମ, କନ୍ଧମାଳ, ଗଜପତି, ରାୟଗଡ଼ା, କୋରାପୁଟ ଓ ମାଲକାନଗିରିରେ ବର୍ଷା ନେଇ ଆକଳନ କରାଯାଇଛି ।
ଗତକାଲି ରାଜ୍ୟର ୧୦ଟି ସ୍ଥାନରେ ହିଟ୍ୱେଭ୍ ସ୍ଥିତି ରହିଥିଲା । ଝାରସୁଗୁଡ଼ା, ସମ୍ବଲପୁର, ଭବାନୀପାଟଣା, ବଲାଙ୍ଗୀର, ଫୁଲବାଣୀ, ଟିଟିଲାଗଡ଼, ସୋନପୁର, ବରଗଡ଼, ନୂଆପଡ଼ା, କଳାହାଣ୍ଡି ଓ କନ୍ଧମାଳରେ ପ୍ରବଳ ଗ୍ରୀଷ୍ମ ପ୍ରବାହ ହୋଇଛି ।
ବର୍ଷା ସହ ୧୧ ଜିଲ୍ଲାରେ ୪୮ ଘଣ୍ଟା ପରେ ବର୍ଷା ପରିମାଣ କମିପାରେ । କାଁ ଭାଁ ଜାଗାରେ ବର୍ଷା ହେବା ନେଇ ପୂର୍ବାନୁମାନ କରିଛି ପାଣିପାଗ ବିଭାଗ । ତେବେ ଗତ ଦୁଇ ଦିନ ହେଲା ଟ୍ବିନ୍ ସିଟି କଟକ ଓ ଭୁବନେଶ୍ୱରରେ ସକାଳୁ ପାଗ କୋହଲ ରହିଥିବା ଦେଖା ଦେଇଥିଲା ।
Click it and Unblock the Notifications
Sign in with Google