ଫେରିଗଲା ମୌସୁମୀ, ୬ବର୍ଷ ମଧ୍ୟରେ ସର୍ବନିମ୍ନ ବୃଷ୍ଟିପାତ
ଫେରିଗଲା ମୌସୁମୀ । ଚଳିତ ଥର ମୌସୁମୀ ବର୍ଷା ଯେତିକି ହୋଇଛି ତାହା ଗତ ୬ବର୍ଷ ମଧ୍ୟରେ ସର୍ବନିମ୍ନ ବୃଷ୍ଟିପାତ ବୋଲି ପାଣିପାଗ ବିଭାଗ ସୂଚନା ଦେଇଛି । ସେହିପରି ଗତ ୬ ବର୍ଷରେ ହାରାହାରି ତାପମାତ୍ରା ପ୍ରାୟ ୩୦ ରୁ ୩୧ ଡିଗ୍ରୀ ସେଲସିୟସ ରହିଥିବା ବେଳେ ଜୁଲାଇ ମାସର ତଥ୍ୟ ଆଧାରରେ ହାରାହାରି ସର୍ବାଧିକ ତାପମାତ୍ର ୩୨ ଡିଗ୍ରୀ ସେଲସିୟସ ରହିଛି ।
ଆଗକୁ ଆସୁଛି ପାର୍ବଣ ଋତୁ । ଆଉ ପାଗ ନିର୍ମଳ ରହିବା ନେଇ ଭାରତୀୟ ପାଣିପାଗ ବିଭାଗ ସୂଚନା ଦେଇଛି । ଗତ ୪ ମାସ ମଧ୍ୟରେ ସମୁଦାୟ ବୃଷ୍ଟିପାତ ୭୨୮.୭ ମିଲିମିଟର ଥିଲା, ଯାହା କି ଗତବର୍ଷ ତୁଳନାରେ ୨୯୬.୯ ମିଲିମିଟର କମ୍ ରହିଛି ।
ସାମାନ୍ୟ ବର୍ଷା, ପ୍ରବଳ ଆଦ୍ରତା ଏବଂ ଅଧିକ ହାରାହାରି ତାପମାତ୍ରା ସହ ଆସିଥିବା ମୌସୁମୀ ସେପ୍ଟେମ୍ବର ମାସ ସରୁ ସରୁ ଭାରତରୁ ବିଦାୟ ନେଇଛି । ତେବେ କିଛି ବର୍ଷ ମଧ୍ୟରେ ଏହି ତାପମାତ୍ରା ହ୍ରାସ ପାଇବାର ସମ୍ଭାବନା ରହିଛି ।
ମୌସୁମୀ କାରଣରୁ ଯେତିକି ବର୍ଷା ହେବା କଥା ତା ନ ହେବାରୁ ତାପମାତ୍ରା ମଧ୍ୟ ବୃଦ୍ଧି ପାଇଥିଲା । ଫଳରେ ଗତବର୍ଷ ତୁଳନାରେ ସମାନ ସମୟରେ ହାରାହାରି ତାପମାତ୍ରା ଅଧିକ ରହିଥିଲା ।
ତେବେ ସକ୍ରିୟ ଲଘୁଚାପ କ୍ଷେତ୍ର ପ୍ରଭାବରେ ରାଜ୍ୟର ବିଭିନ୍ନ ଅଞ୍ଚଳରେ ମେଘଛନ୍ନ ଆକାଶ ସହ କିଛି ଅଞ୍ଚଳରେ ବର୍ଷା ଲାଗିରହିଛି । ଗତକାଲିର ସୂଦୃଶ ଲଘୁଚାପ କ୍ଷେତ୍ର ଆଜି ଦୁର୍ବଳ ହୋଇ ଗୋଟିଏ ଲଘୁଚାପ ଭାବେ ଦକ୍ଷିଣ ଝାଡ଼ଖଣ୍ଡ ଅଞ୍ଚଳରେ ସକ୍ରିୟ ରହିଛି ।
Click it and Unblock the Notifications
Sign in with Google